Josua 6:21 - mzwDBL

²¹ Ba kpoo baala ne haahna, ne bechale ne nomonome, ne nae ne peera dɛ keeɡore aa lɔ bwɛɛ la ta, dɛ lea cheɡ tɛ Korowii.

Josua 6:21 Iomraidhean Croise

1 Koranar 20:42

Belaa Korowii keame la ŋɔ o be ŋɔ, “Waa Korowii aa dɛ bol laanee kɛŋɔ, ‘Haa ɡela baa maa kpɔɔ do he nɔn ta ŋɔ o chɛ kpoe, asɛ he ɡel o dɔ bɔr chwa dɛ dɔ o nyu nomanta, hɛɛ kpɔ he nyuu charɛ o kon, ásɛ he laa tena ɡe kpɔ ba nyuune charɛ o laa tena nyuune.’ ”

Jeremia 48:18

Debɔn tena, hé le he soŋnibɔr waa dɔ jirima ba, dɛ́ ba so harɛ bomboɡ ta. Nɛn waa ba chɔɡ Moab la balɔ dɛ́ ba kuuɡi danjwɛjen waa baro la.

Mmarare 13:16

Hé pa kwaa aa lɔ bwɛɛ la ta bil bwɛɛ la baah ta bela baa dɛ cheme, ásɛ dɛ kpaa nii do bwɛɛ la ne kwaa la bwa ta tɛ Korowii kɛŋɔ saraha kwaa ken. Gɛ bwɛɛ la te, ó chɔ dimɡbia, ba bɛ on vɔrɔwe kpa.

Mmarare 2:34

Ya lɛ o bwɛɛre bwa dɛ chɔɡa, dɛ kpoo baala ne haahna dɛ bechale bwa. Ya ta ɡelɛ nomɛlbwa won dɔ bɔr chwa.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Josua 10:28

Awola tɔpere la, Makeda bwɛdaa do kɛŋɔ jahal ken Josua nɔn ta. O ne o laa tena kpoo bela kooro ne nɛra baa lɔ bwɛjen la ta bwa, o ta nɛn ɡelɛ. Gɛ waa ɛ bwɛjen Jeriko kooro laanee o ɛ Makeda kooro ɡe.

Josua 10:39

Ba pɔ bwɛjen Debir kooro ne o nɛra bwa nɛ, dɛ ka yo bela bwɛjeɡre bwa dɛ kpoo a nɛra bwa kwaraa, nomɛlbwa ta kae. Gɛ baa ɛ bwɛjen Debir ne o kooro la, ɡɛ tentenee ba ɛ Hɛbrɔn ne Lebna koranar ɡe.

Josua 11:11

Ba kpo nomɛlbwa waa lɔ bwɛɛ la ta, bɛlbwa ta kae, dɛ fuh bwɛɛ la ɡe bwa.

Josua 11:14

Israel tena la cheɡɛ kondɛɛɡa ne kondɛɛra aa lɔ ɡɛ bwɛjena la ta bwa kaa a ɛ ba kwa. Ba kpo nɛra baa lɔ bwɛjena la ta bwa, bɛlbwa ta kae.

Josua 8:2

Gɛ haa chɔɡ Jeriko ne o kooro la, he ka ɛ Ai ɡe ɡɛ. Kɛ laala ne kondɛɛra te, he bɛ an chɔɡ, hɛɛ won kpɔ a te. He ka sɔh bwɛjen la dahara dɛ́ chɔ kpaa ba.”

Josua 8:22

Israel tena ba fa aa kaa sɔh chɔ dɛɛ kpa dɛ jo bwɛɛ la bini la berɔ le ba, dɛ ba cheme bwɛjen Ai tena, asɛ Israel tena do baŋ bɛl, ba tɔ ba do baah ta dɛ kpoo ba bwa, ba bɛlbwa ɡe ta bɔr dɔe dɛ chwa, beŋkpoŋ kwaraa ta kae,

Josua 9:3

Gebeɔn tena aa no ɡɛ Josua ne Israel tena aa ɛ bwɛjena Jeriko ne Ai la,

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.

1 Samoɛl 15:3

Hé kaa taraken dɛ́ ka yo Amalɛk tena la, dɛ́ chɔɡ kwaa baa dɔa bwa kwaraa. He bɛ ba sum na, hé kpoo baala ne haahna, ne bechale ne bechasɔɔhne, ne nae ne peera dɛ ba nyoɡmare ne keeɡore bwa.’ ”

1 Samoɛl 15:8

O lawɛ Amalɛk tena Kooro Aɡaɡ nɔn ne, dɛ kpoo o nɛra baa kaa la bwa ɡe.