Josua 6:19 - mzwDBL

¹⁹ Kwaa baa kpɔ suuɡapoŋa ne suuɡaswɛm ne ayaawa dɛ bune ɛa la te, a do ɡoroŋ kohona tɛ Korowii kɛŋɔ hé kpɔ ba tɛo o Dea bela baa dɛ cheɡ laala a yoɡ aa kpeɡa.”

Josua 6:19 Iomraidhean Croise

2 Samoɛl 8:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo dɛ pɔ a nɛra nɛɛ la.

1 Koranar 14:26

O pa kwaa aa lɔ deene baa dɛ cheɡ laala a yoɡ aa kpeɡa a bini Korowii Dea, ne anɔ la aa lɔ koodem bwa kaa. Dɛ berɛ pa kwaa baa kpɔa dɛɛ tɔ ba te ɡbemɡbe Kooro Solomɔn aa kpɔ suuɡaswɛm ɛa la.

1 Koranar 7:51

Kooro Solomɔn aa ɛ Korowii Dea la toma bɛlbwa tonɛ la, o kpɔ suuɡapoŋa ne suuɡaswɛm ne laala bwa o mɛɛ Kooro Devid aa kpɔa tɛ Korowii la ka cheɡ dea baa dɛ cheɡ laala o bini Korowii Dea la bini.

2 Koranar 24:13

Kooro Nebukadnesa ne Babelɔn tena la kaa jo Korowii Dea waa lɔ Jerusalam la bini ne koodem, dɛ pa suuɡaswɛm kwaa a yoɡ aa kpeɡa bwa Kooro Solomɔn aa kpɔa cheɡ bela. Dɛ ɡɛɛ Korowii fa bol ŋɔ ɡɛ waa nɔ bwa ɛɛ ɛo.

1 Webena 18:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo, dɛ pɔ a nɛra nɛɛ la. A ɡɛ harɛre laanee, Edom ne Moab, ne Amɔn ne Filisti, dɛ Amalɛk.

1 Webena 26:20

Ba bala Lewi dea tenaa chɔ laala aa lɔ Korowii Dea bela ne deene baa dɛ cheɡ laala a yoɡ aa kpeɡa a bini, ne anɔ la baa kpɔa baa tɛ Korowii la bwa nyoa.

1 Webena 26:26

Dɛ Sɛlomet ne o lolanaree chɔ deene baa dɛ cheɡ laala a yoɡ aa kpeɡa, Kooro Devid aa kpɔa baa tɛ Korowii nyoa, ne nomonnyuune baa chɔ laa tena kaɡboŋa ne lafare nyoo, dɛ laa tena nomonome bane baa kaa la nyoa.

1 Webena 26:27

Ba kpɔ laala baa paa laa ta la ane ba tɛ, ba kpɔ ɛ Korowii Dea la toma.

1 Webena 26:28

Komɛlbwa Samoɛl waa dɛ na chaahna ne Kes bibaa Sɔɔl, ne Nɛr bibaa Abna, dɛ Seruya bibaa Joab aa kpɔa tɛ Korowii ne laala aa jaa bwa, dɛ Sɛlomet ne o lolanaree dɛɛ nyiŋi a ta.

1 Webena 28:12

O kpɔ ɡɛ dea la mar aa dɛ ba doe tɛo ɡɛ Korowii Doma la aa kpɔa do o liire bini. O dembaahna ne deene aa baro baa kpɔ laala a yoɡ aa kpeɡa, ne koŋkɛɛla baa kpɔa baa tɛ Korowii dɛɛ cheɡ a bini bwa.

2 Webena 15:18

O kpɔ suuɡapoŋa ne suuɡaswɛm, ne kwaa bwa o ne o mɛɛ aa dɔa, dɛ kpɔ do Korowii nɔn ta la ba Korowii Dea.

2 Webena 31:12

Asɛ ba pa koŋkɛɛla la ne kwaa baa bɔne a bini fi, dɛ kpɔ bɔrbeŋkpoŋa ba, dɛ kwaa baa lea cheɡ tɛ Korowii la cheɡ bela. Ba kpɔ Lewi dea te bɛl baa dɛ yerɔ Konania ɛ nomoa ŋɔ wɛ́ɛ nyiŋi a ta, asɛ o nime Simee ja o nɛ.

Nehemia 10:38

Sɔfo waa le Arɔn luɡe ta teŋɛ Lewi dea tena baa dɛ lɛ kwaa nɛra aa bɔne a bini bɔre fi, dɛ kpɔ bɔrbeŋkpoŋa dɛɛ ba a ne la nɛ, ásɛ Lewi dea tena la kpɔ anɔ la baa lɛa la bɔre fi bini bɔrbeŋkpoŋ ba Korowii yaa dɛ tomɔ la Dea. Dɛ́ kpɔ ba cheɡ deene baa dɛ cheɡ laala a yoɡ aa kpeɡa la bini.

Jeremia 38:11

Anomanta, Ɛbɛd Mɛlɛk lawɛ baala la ja o nɛ, asɛ ba la dea bɛl baa dɛ cheɡ laala a yoɡ aa kpeɡa o bini koodem bela la lɔɡa. O pa yakwane ne laala ane aa kɛɛra le bela asɛ dɛ vɔrɔwa, dɛ ta ŋwɛɛra la do n be kɔlɔŋ la bini.

Lewi Dea Tena 19:24

Bennaarɛ ta la, dɛ a bwa wer dɛ ɛ men Korowii kwa, hé kpɔ ɛ saraha kpɛɛ n sɔndɛɛɡe la.

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Nɛra Kura 31:11

Ba pa laala dɛ larawe nɛra ne kondɛɛra bwa laa la ta

Nɛra Kura 31:12

ba tɛ Mosis ne sɔfo Eliasa ne Israel tena. Dɛ ba soɡe Moab harɛ waa chɔa kaa Jɔɔdan Moo ta, Jeriko do baŋ bɛl.

Nɛra Kura 31:22

Suuɡaswɛm ne suuɡapoŋa ne ayaawa ne buni, dɛ kwaane baa dɔa dɛɛ le bwe ta, kpana ne kwaane baa kpɔa dɛɛ ɛ koŋkori,

Matiu 27:6

Sɔfonomonome la pa suuɡa la dɛ ŋɔ, “Suuɡa nɔ ɛ chal suuɡa, asɛ ya mmarare ɡe aa yaa ŋwɛnɛ tɛ kɛŋɔ ya won kpɔ suuɡa nɔ ja Korowii Dea suuɡa ta.”

Amanesoma Mak Aa Chwera Tɔn 12:41

Yeesu kaa so Korowii Dea suuɡa tae daka bɔr dɛɛ nyiŋi nɛra baa ta suuɡa dɛɛ do o bini la, dɛ dɔɔhna bane dɛ do suuɡajena tenten.

Josua 7:11

Israel tena ɛ wechɔɡa, ba chɔɡ n ne ba fɔo yaa fɔwa n do ba ŋɔ baa teŋɛ a ta la ta. Ba kpɔ kwaa maa ŋɔa ba le cheɡ tɛ mɛ la ane. Ba ŋwɛa dɛ teŋe nyosone, dɛ paa ja ba laala ta.