Josua 6:13 - mzwDBL

¹³ Sɔfore banuanɛ baa kpoŋe bɛle anuanɛ la kaa tɔ Daka la sie, dɛ valɛ dɛɛ hoh ba bɛle la. Laa tena baa tɔ ba sie, asɛ laa tena baa lɔ habɔɔ la teŋɛ, asɛ bɛle la sii ɛɛ le.

Josua 6:13 Iomraidhean Croise

1 Webena 15:26

Gɛ aa ɛ ásɛ Korowii cha Lewi dea tena, ásɛ ba won che Korowii Ne Nɛwɛnyina Fɔo Daka la nomanta, ba kpoo nabala anuanɛ ne pebala anuanɛ ɛ saraha tɛ Korowii.

Nɛra Kura 10:25

Dan dea tena ne deene baa ja ba nɛɛ ɡe ka Israel tena la bwa mun ta, dɛ kpoŋe ba fraŋkaa. Banee yon ka mun ásɛ ba dɔma bɛ won dɔ bɔr dɛ́ le bobɛlbwa ba yoo ba. Asɛ Amisadai bibaa Ahiesa ɛ ba sitɔɔ.

Matiu 24:13

Kɛ nomɛlbwa waa wola n habɔɔ leɛ, dɛ won teŋɛ n nɛɛ ka tonɛ la, wɛɛ dɔ o nyuu.

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Josua 6:12

Tɔ aa pera la, Josua felo ir, asɛ sɔfore la kpɔ Korowii Ne Nɛwɛnyina Fɔo Daka la che.

Josua 6:14

Tɔpenɛɛte ta la, ba berɔ valɛ bar bwɛjen la kera beŋkpoŋ, dɛ berɛ kaa bela baa baŋre ba tɛnte deene la. Ba valɔ baro ɡɛ tɔpera anumɛl.

Josua 6:4

Gel sɔfore banuanɛ kpɔ pebal nyeɡle bɛle tɔ Korowii Ne Nɛwɛnyina Fɔo Daka la sie. Tɔpenuanɛ wee la, he ne he laa tena valɛ bar bwɛjen la kera anuanɛ, ásɛ sɔfore la ɛɛ hoh bɛle la.

Josua 6:9

Laa tena la kpɔ ba dɔmkwaa tɔ sɔfore baa dɛ hoh bɛle la sie, asɛ laa tena la baa lɔ habɔɔ la ɡe teŋɛ Daka la nɛ, dɛ bɛlhoohla la ɡe teŋɔ dɛ hoh dɛɛ do.