Josua 6:1 - mzwDBL

¹ Bwɛjen Jeriko tena koh Israel tena waa dɛ laa ɡbeni baa kpɔ a ta dɛɛ jo bwɛɛ la ta kaɡre tɔ ba nɛ. Nomɛlbwa aa won le bwɛɛ la ta kɛɛ dɛ́ jo bela.

Josua 6:1 Iomraidhean Croise

2 Samoɛl 10:5

Kooro Devid aa no ɡɛ waa nɔ la, o tomɛ toroma ŋɔ bá kpɔ kala ka tɛɛ ba, dɛkalkɛ ba ɡelɔ sihiih kpo ba kohona. O ŋɔ toroma la be kɛŋɔ bá ŋɔ ba be ŋɔ bá so Jeriko ka tel kɛŋɔ ba tampona la aa moɡa mɔɔ bá berɛ ba.

2 Koranar 17:4

Koojen Salmaneesa baa na kɛŋɔ Kooro Hosia aa toɔ bɔe dɛɛ tɛo ɡɛ o fa aa dɛ bɔa benanyoa bɛlbwa la kpa. Dɛ Kooro Hosia ɛo dɔm, dɛ ɡel torome ka ŋɔ Ijipt Kooro baa dɛ yerɔ So be kɛŋɔ ó chao, ásɛ o le Asiiria koojen lɔɡa. Asɛ Koojen Salmaneesa no, dɛ ɡel ba ka lawɛ Kooro Hosia ka do dea.

2 Koranar 2:4

Elaeja ŋɔ Elaesa be ja ŋɔ, “Korowii tom mɛ bwɛjen Jeriko, so bonɔ.” Elaesa ŋɔ, “N ŋwɛɛ Korowii waa lole, asɛ he ɡe do le nɔ kɛ n ne henee.” Anomanta, ba kaa Jeriko.

Yela 127:1

Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Josua 16:7

O berɔ le Janoa dɛ wili kaa bwɛjena Atarɔt ne Naara, dɛ ka jaɡɛ bwɛjen Jeriko, dɛ ka tonɛ Jɔɔdan Moo la nyoa.

Josua 18:21

Bwɛjena aa ɛ Bɛnjamen dea lolanar kwaa laanee Jeriko ne Bɛt Hoɡla dɛ Ɛmɛk Kesis,

Josua 2:1

Dɛ Israel tena la bwa cheme bobɛl baa dɛ yerɔ Sitim dɛ so bela. Asɛ Josua sɔh dɛ le ba bini baala banɛ dɛ tom ba ŋɔ, “Hé ka sɔh nyiŋi Keenan harɛ dɛ́ na ɡɛ waa doa, bwɛjen Jeriko te fanfa.” Asɛ ba sɔh dɛ la bela, dɛ ka choɡ hanjwamane Rahab.

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 2:7

Ate, kooro nɛra la le bwɛɛ la ta dɛ chiɡ leebɔɔ baa cheɡɛ o ta dɛɛ le Jɔɔdan Moo la, dɛ ti ba kaa ɡaaɡe ba bɔr. Ba den laa bwɛjen la doonyoa laa tɔ.

Josua 5:15

Anee Korowii laa sitɔɔ la ŋɔ Josua be ŋɔ, “Laa he naŋɡawa foo, bela haa cheɡa nɔ do ɡoroŋ.” Ate, Josua laa o naŋɡawa la foo.

Josua 6:2

Korowii ŋɔ Josua be ŋɔ, “N kpɔ bwɛjen Jeriko ne o kooro ne o laa tena bwa do he nɔn ta.