Josua 5:9 - mzwDBL

⁹ Asɛ Korowii ŋɔ Josua be ŋɔ, “N laa yoma haa ɛa Ijipt harɛ ta la sihiih kpɔ he sie ta fini.” Anomanta, ba dɛ yerɛ bela Gelɡal dɛ ba le fini.

Josua 5:9 Iomraidhean Croise

Mumpar 34:14

Ba ŋɔ ba be ŋɔ, “Yaa won ɛ ɡɛ. Yaa sɛh ya nimambie yalɛ baa waa wola o pen teŋe. A ɡɛ waa nɔ ɛ sihihwa dɛ tɛ yaa.

2 Samoɛl 19:15

Kooro Devid aa bera dɛɛ ba la, Juda harɛ laa tena bwa baa chemo Jɔɔdan Moo ta. Dɛ ba ba Gelɡal, dɛ́ ba kpɔɔ ɡale Jɔɔdan Moo.

Nehemia 12:29

ne Bɛt Gelɡal ne Geba dɛ Asmavɛt, dɛkalkɛ dɛ yelɡoola la ma ba deene dɛ so bar Jerusalam.

Yela 119:39

Lɛɛ mɛ le chɛɡa maa dɛ ɔmɛ kohona ta, dɛkalkɛ he waa dɔ nyokpoa.

Jeremia 9:25

Saŋ bɛl dɛ ba ń tɛr nɛra baa teŋe ba pena ɡbo, men Korowii wa aa wola toole ba bambile bini la deŋne.

Ɛsekeɛl 23:3

Ijipt harɛ taa ba so, dɛ le ba toli saŋ kpɔ bannyin dawɛ ba sie ta, dɛɛ bɔ jwamane.

Ɛsekeɛl 23:8

O teŋɛ jwamane waa pa a mun Ijipt harɛ ta la ta, dɛ chɔɡ o te. O toli saŋ bwaa o le baala lawɔ dɛɛ chɔ.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Lewi Dea Tena 24:14

“Hé lawɛ baa waa bol nɛnhɛlwobol la le kaa bela haa soɡa la dahara. Nomɛlbwa waa noa kɛŋɔ o bol mɛ nɛnhɛlwobol la, bá kpɔ nɔn dawɛ o nyu ta, ásɛ nɛra la bwa foɡro bwea kpo.

Emɔs 5:5

He bɛ Bɛtel la ka tom mɛ, he bɛ Gelɡal la, he bɛ Beɛseeba ɡba la. Kasinteŋ, baa lawɛ Gelɡal tena laa taa kaa bojaŋ harɛ ta, ásɛ Bɛtel paɡre kwaraa.”

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Sefania 2:8

Nemenɛ Korowii ŋɔ, “N no chɛɡra ne bammuɡli wa Amɔn ne Moab tena aa dɛ ɛ n nɛra, dɛɛ aah ba ŋɔ baa lɛ ba harɛɛ.

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

Josua 4:19

Korobie waa tɔ sie, o tɔpera fi taa ba le Jɔɔdan Moo la, dɛ ka baŋre ba tɛnte deene Gelɡal. O lɔ bwɛjen Jeriko harɛ jwɛh wee leebɔr.

Josua 5:8

Josua ɡelɔ ba teŋni nɛra la bwa pena, asɛ dɛ ɡel ba so ba buɡ ta bela ka tel kɛŋɔ ŋwɛra la aa tona.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

1 Samoɛl 17:26

Anee Devid bɔɔ nɛra baa cheɡɛ o jwɛɛh la ŋɔ, “Dɛ nomɛl wono kpo Filisti baa nɔ dɛ le Israel tena sihiih nɔ ta naa, bɔkwaa wɛɛ ba dɔe yɔ? Umee Filisti te nɔ waa wola Korowii tomɛ, dɛ ɡe won dɛɛ muɡli Korowii waa lole saŋ bɛlbwa laa tena baah nɔɔ?”

1 Samoɛl 17:36

Gɛ Korowii aa ɡela he bonɔɔ won kpo nyujente ne sisire kwaraa la, ɡɛɛ mɛɛ ba Filisti te waa wola Korowii tomɛ nɔ ɡe ɛɛ, dɛkalkɛŋɔ o ɛ Korowii waa lole saŋ bɛlbwa la sisawa.

1 Samoɛl 7:16

Bena bɛlbwa, o dɛ ɡaaɡe ba nɛɛ le bwɛjena Bɛtel kaa Gelɡal ne Mispa bwa, dɛ bol nɛra waa dɛɛ pa bole.