Josua 5:6 - mzwDBL

⁶ Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.

Josua 5:6 Iomraidhean Croise

Yela 107:4

Bane nyoɡre pua hɛŋle ɡbo harɛ ta bela, ba ta bwɛɛ bɛlbwa nae dɛ́ ka so o ta.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Ɛsekeɛl 20:6

N berɔ ŋwɛɛ baɡ ba kɛŋɔ mɛɛ kpɔ baa le Ijipt harɛ ta ba harɛ maa nyina cheɡ ba ta, o ɛ harɛpare ondɛɛɡe ɡwaa harɛre bwa.

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Nɛra Kura 14:23

ba bini beŋkpoŋ ɡba aa harɛ maa ŋwɛɛ ntam dɛ baɡɛ ba naawa nyoa ŋɔ mɛɛ kpɔɔ tɛɛ ba la taa tel. Nomɛlbwa o siwi aa wola men tɔɡɛ la aa harɛ la taa tel.

Nɛra Kura 26:63

Banɔɔ Israel tena Mosis ne sɔfo Eliasa aa kura Moab harɛ waa chɔa kaa Jɔɔdan Moo nyoa Jeriko do baŋ bɛl la.

Mmarare 1:3

Baa le Ijipt harɛ bene fifraanaarɛ habɔɔ, korobie fi dɛ beŋkpoŋ tɔpere waa tɔ sie la taa Mosis bol waa Korowii aa ŋɔa o bol ba be bwa.

Mmarare 2:14

Le ɡɛ saŋ yaa le Kades Baanea dɛ ba le Sɛrɛd Fɛlembɔjen la lɔ bene fifraatoro dɛ anuatoro. Dɛ laa tena la bwa serewɔ. Gɛɛ Korowii ŋwɛɛ baɡ ba.

Mmarare 2:7

Korowii swee heyaa andɛɛɡa toma haa ɛa bwa ta. Onee nyiŋi he nɛɛ he vala ta pua hɛŋle ɡbo harɛ waa do kan kohona ta la. Korowii ja he nɛɛ bene fifraanaarɛ nɔ bwa ta, o ta ɡelɛ komɛlbwa paŋɛ heya.

Mmarare 8:4

He vala bini bene fifraanaarɛ bwa ta la, he laala ta he bwara ta kɛɛrɛ á ba ɛ kɛŋɔ he nakpale ɛɛ darawoo.

Hibru 3:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.

Josua 24:7

Ba wio no men Korowii ŋɔ ń cha ba, asɛ n ɡel bɔr bir ba ne Ijipt tena la baah ta. Anee n ɡel mpo la nee su ba bɔle ba nɛ. He ɡbabir na ɡɛ maa ɛ Ijipt tena la. Asɛ he so pua hɛŋle ɡbo harɛ ta dɛ biɡri taeh.

Josua 5:5

Banɔ la baa lol ba Ijipt harɛ ta la te, ba teŋni ba pena, kɛ banɔ la baa lol ba ŋwɛnɛ ta la, ba ta ba pena teŋni.

Josua 5:7

A ɡɛ baala baa ɛ deŋnekpeɡ nɔ, dɛ ba ta ba bii pena teŋni, ba habɔɔ biirii Josua teŋni pena.