Josua 5:14 - mzwDBL

¹⁴ Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”

Josua 5:14 Iomraidhean Croise

Mumpar 17:17

Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?”

Mumpar 17:3

Belaa Abram kpɔ sie pi harɛ asɛ Korowii ŋɔ o be ŋɔ,

2 Samoɛl 7:19

Nemenɛ Korowii, he ta ɡelɛ a jaɡɛ bela dɛ ta teŋɛ ɛ ane dɛɛ ja, he berɔ bol he bonɔɔ naanar baa ka ba kerekere ɡe wa. Nemenɛ Korowii, waa haa ɡela a chɔ le tɛ nɛwɛnyini bɛlbwa laanee nɔ naa?

2 Samoɛl 7:20

Bɔkwaa men Devid dɔ dɛ́ bol he be jaɔ? Nemenɛ Korowii, he ɡbabir jemɛ men maa ɛ he bonɔɔ wa.

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Yela 24:10

Umee Koojen waa dɔ jirima kohona nɔɔ? Nemenɛ Korowiirii, onee Kooro waa dɔ jirima kohona la!

Kaala 4:10

Asɛ Mosis ŋɔ Korowii be ŋɔ, “N Naa Korowii, n nyoa aa kpɛlɛ ń won bol waa a do som. Dɛ le n bechale saŋ ne ɡɛ saŋ haa kpɔ he te baɡ mɛ bwaa n nyoa aa wola kpɛlɛ ne wobol.”

Kaala 4:13

Asɛ Mosis ŋɔ, “N Naa Korowii, n dɛ soŋe amɔ he fe tomɛ nɛnfale bɛl sɛ?”

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Aesaya 6:8

Asɛ men Aesaya berɛ no kɛ Korowii aa ŋɔa ŋɔ, “Umee ń tomɔɔ? Umee dɛ́ la tɛ yaɔ?” Anee n sɛh ŋɔ, “Mɛɛ lao, tom mɛ.”

Ɛsekeɛl 3:23

Ate, n ir dɛ kaa bela. N na Korowii jirima bela ɡɛ n fa aa nao Keba Moo nyoa la, asɛ n kpɔ sie pi harɛ.

Daneɛl 10:13

Asɛ nyundua torome waa dɛ di Pɛɛsea harɛ kpeɡri la ba tɔ mɛ ŋwɛnɛ tɔpera fifraanɛ dɛ beŋkpoŋ. Ate, Maekel waa ɛ nyundua toroma nomonome la bini bɛl ba cha mɛ, lawa baa laɡ mɛ n so Pɛɛsea harɛ ta la wa.

Daneɛl 10:21

kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Daneɛl 8:11

O ɛ o te nɛnjen kɛŋɔ Korowii dɔm baa wara kooro la ken, dɛ laa tɔpere bɛlbwa saraha baa ɛa dɛɛ tɛo la lɛ o be, dɛ ɡel doŋa kah Korowii Dea la.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

Nɛra Kura 22:31

Ate, Korowii pili Balam sie, asɛ o na Korowii nyundua torome waa pamɛ kere che ŋwɛnɛ la ta. Asɛ Balam ba harɛ dɛ kpɔ sie pi harɛ.

Matiu 22:44

‘N Naa Korowii ŋɔ n Dɔɔ be ŋɔ ó so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

Matiu 8:2

Asɛ baa bɛl weechɔɡa aa ɛ o bwara ba, dɛ ba ɡuŋi o sie dɛ ŋɔ, “N Dɔɔ, hɛɛ sɛoh waa, hɛɛ wonoo ɡel n bwara kwaa.”

Amanesoma Luk Aa Chwera Tɔn 1:43

N ɡee umeo n Dɔɔ nya ɛɛ ba ba chɔɔ mɛ nɔɔ?

Amanesoma Luk Aa Chwera Tɔn 20:42

Aah Devid ɡbabir bol waa Korowii Yela Tɔn la bobɛl ŋɔ, ‘N Naa Korowii ŋɔ n Dɔɔ be ŋɔ so nomombɔr n diɡ ta

Amanesoma Luk Aa Chwera Tɔn 5:12

Awola bɛl, dɛ Yeesu lɔ bwɛɛ bɛl ta, dɛ baa bɛl lɔ bela asɛ weechɔɡa ɛ o bwara bwa. Waa na Yeesu la, o baa ɡuŋi o sie dɛ soŋo ŋɔ, “N Dɔɔ, dɛ he sɛoh ŋɔ hɛɛ chaah mɛɛ yaa, hɛɛ wonoo ɡel n bwara kwaa.”

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Hibru 2:10

Korowiirii ta komɛlbwa, asɛ a che o kpeɡri ta komɛlbwa ɡe do le. Waa ɡela Yeesu na wahala la, maɡraa a maɡre kɛrɛdɛ. Waa dɛ nyin o lɛ nɛndamanta dɛ ɡel ba ɛ o bii, dɛ do o be dɛ dɔ jirima la waa o ɡel Yeesu waa ɛ ba Sitɔɔ la ɡbaɡba kpɔ a ɡɛ ŋwɛnɛ la ta, dɛ na wahala dɛ won ɛ ba Sitɔdɛɛɡe kaih ka tonɛ dɛ lɛɛ ba la.

Josua 20:1

Korowii ŋɔ Josua be ŋɔ,

Wepila 12:7

Asɛ laa chole Korowii doa. Maekel waa ɛ nyundua toroma la bwa nomoa la ne o dɔm kaa pu kontuuɡi damanta la ne o ɡe bala ba yo,