Josua 4:7 - mzwDBL

⁷ ásɛ he ŋɔ ba be ŋɔ, ‘A cheɡɔ dɛ tɛ saŋ bɛl baa kpɔ Korowii Ne Nɛwɛnyina Fɔo Daka la le Jɔɔdan Moo dɛ ba bonɔ la, moo la teŋo ba valɛ o baah harɛpɛɛ ta dɛ le.’ Anomanta, bwea nɔɔ ya Israel tena kpɔ dɛɛ lii ɡɛ waa nɔ á chɔ le saŋ bɛlbwa dɛɛ la.”

Josua 4:7 Iomraidhean Croise

Yela 111:4

O ɡelɔ yaa lii nyokpowaa waa ɛa, Korowii dɔ tedoma tɛ yaa dɛɛ na ya sum.

Kaala 12:14

Hé di a ɡɛ tɔpere nɔ saŋ bɛlbwa dɛɛ la, dɛ́ kpɔ lii men Korowii waa maa ɛa tɛ heya. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 28:12

dɛ́ lawa pɛ o batakaare la vam nyuune ta dɛ́ che tɛ Israel deene. Gɛɛ sɔna nɔ ɛɛ ba Arɔn vaama ta dawa men Korowii sie, ń kpɔ dɛɛ lii ba wa.

Kaala 30:16

Hé lɛ nyu chara suuɡa la Israel tena be naa, hé kpɔa ɛ n Dea Cheremibɔr la bini toma. Anee dɛ́ ɡel ń lii Israel tena wa, dɛ́ kpɔ nɔn tɔ ba nɛ.”

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 17:5

Naate máa leo ó ɛ sɔfo la, o daŋɡbala la ɛɛ moɡɛ papoonii, ásɛ n teŋe saŋ bɛlbwa naɡra Israel tena aa dɛ naɡre he waa a pe mɛ la ta.”

1 Kɔrent 11:24

asɛ dɛ soŋe Korowii do o ta, dɛ kuuɡu dɛ ŋɔ, “N bo-olii nɔ, maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

Mmarare 16:3

He bɛ paanoo baa do iisi a ta la kpɔ ja Galekaa ol la ta dɛ́ di. Hé di paanoo baa wola iisi a ta doe la teŋɛ dɔŋa nɛɛ tɔpera anuanɛ, ɡɛ haa ɛa Ijipt harɛ a ba kɛ he le bela wɔrɔbe nɛɛ la. Hɛ́ɛ yerɔ wahala paanoo, ásɛ dɛ kpɔ dɛɛ lii he soɡa bini bwa tɔpere haa le Ijipt harɛ ta la.

Josua 4:6

Bwea nɔɔ dɛ́ lii heya waa Korowii aa ɛa tɛ heya. Dɛ kerekere he bii ba dɛ bɔɔ ɡɛ bwea la aa cheɡa tɛ aa,