Josua 4:24 - mzwDBL

²⁴ Korowii ɛ ɡɛ waa nɔ ásɛ harɛ nɔ ta nɛra bwa jemɛ kɛŋɔ o kpeɡri kan, ásɛ hɛɛ duu Korowii haa dɛ tomɔ saŋ bɛlbwa.’ ”

Josua 4:24 Iomraidhean Croise

1 Koranar 8:40

Anee dɛ́ ɡel ya ɔmɛ, dɛɛ tomɛ saŋ bɛlbwa harɛ la haa kpɔa tɛ ya naawa la ta.

1 Koranar 8:60

ásɛ harɛre nɛra bwa jemɛ kɛŋɔ he ɡboo Korowii.

2 Koranar 19:19

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

2 Koranar 5:15

Naaman ne o bonɔɔna la bwa berɔ ba Korowii keame Elaesa be, asɛ Naaman ka che o sie dɛ ŋɔ, “N nao kɛŋɔ Korowii bɛlbwa toole harɛ nɔ ta bobɛlbwa ka ja Israel harɛ ta. N dɔɔ, n poori lɛ koŋkɛɛla he bonɔɔ aa ba a ne ba tɛɛ nɔ.”

1 Webena 29:12

Kondɔɔh ne jirima bwa le he be, dɛɛ di kpeɡri komɛlbwa nɛ. He bee kpeɡri ne bokpeɡa le, he ɡɔɔ nɛra dɛɛ tɛɛ ba kpeɡri.

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?

Yela 106:8

Kɛ he lɛɛ ba ɡɛ haa baɡ ba nyoa la, dɛ baɡle ɡɛ haa dɔ kpeɡri kohona.

Yela 89:13

He kpeɡri kan, he dɔ bokpeɡa ɡe kohona!

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

Kaala 14:31

Israel tena aa na Korowii kpeɡri kohona waa kpɔa chɔɡ Ijipt tena la, ba ɔmɔ asɛ dɛ yarada Korowii ne o bonɔɔ Mosis.

Kaala 15:16

Ɔmee kohona ɛɛ chole ba nɛɛ, á che he kpeɡri ta bá ka che bobeŋkpoŋ kɛŋɔ bwe ken, dɛ́ ka tel kɛŋɔ he nɛra aa teŋe ba kaa mɔɔ. N Naa Korowii, nemenɛ he nɛra haa lɛɛ ba le Ijipt harɛ ta la teŋe ba kaa mɔɔ.

Kaala 20:20

Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.”

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Mmarare 28:10

A ba ɡɛ naa, harɛ nɔ ta nɛra bwa ɛɛ jemɔɔ kɛŋɔ Korowii le heyaa kɛŋɔ o ɡbaɡba nɛraa heya, ásɛ dɛ ɔmɛ heya.

Mmarare 6:2

Hé ne he bii ne naanar bwa ɔmɛ Korowii haa dɛ tomɔ nɔ, dɛ́ teŋɛ o Mmarare bwa maa kpɔa dɛɛ tɛ heyaa nɔ ta, ásɛ he won so biɡri.

1 Samoɛl 17:46

Fini tɔpere nɔ, Korowii ɛɛ kpɔe do n nɔn taa, ásɛ n kpoe dɛ́ teŋe he nyu. Ásɛ jumbii ne kpɔɡ bini ola ba di he ne Filisti laa tena bwa ola, ásɛ harɛre nɛra bwa jemɛ kɛŋɔ Korowii Israel tena aa dɛ tomɔ la lole.