Josua 4:19 - mzwDBL

¹⁹ Korobie waa tɔ sie, o tɔpera fi taa ba le Jɔɔdan Moo la, dɛ ka baŋre ba tɛnte deene Gelɡal. O lɔ bwɛjen Jeriko harɛ jwɛh wee leebɔr.

Josua 4:19 Iomraidhean Croise

2 Koranar 2:1

Saŋ bɛl telo kɛŋɔ dɛ Korowii dɛ ba Elaeja kpɔe dɛ́ kaa nyundua kawulewule ne. Dɛ Elaeja ne o bonɔɔ bɛl baa dɛ yerɔ Elaesa dɛ ba Gelɡal lee dɛ́ kaa.

Emɔs 4:4

Korowii ŋɔ, “Israel tena, he dɛ nyin aa, hé ir kaa Bɛtel, bela haa dɛ tom mɛ la, ka ɛ wechɔɡa. Hé kaa Gelɡal ɡe ka ɛ wechɔɡa kohona. Hé kpɔ saraha kwaa kaa tɛ chɔɔ bɛlbwa, dɛ́ bɔne kwaa haa dɔa bini bɔre fi, dɛ́ kpɔ bɔrbeŋkpoŋ kaa tɛ tɔpera atoro bɛlbwa.

Emɔs 5:5

He bɛ Bɛtel la ka tom mɛ, he bɛ Gelɡal la, he bɛ Beɛseeba ɡba la. Kasinteŋ, baa lawɛ Gelɡal tena laa taa kaa bojaŋ harɛ ta, ásɛ Bɛtel paɡre kwaraa.”

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Mmarare 1:3

Baa le Ijipt harɛ bene fifraanaarɛ habɔɔ, korobie fi dɛ beŋkpoŋ tɔpere waa tɔ sie la taa Mosis bol waa Korowii aa ŋɔa o bol ba be bwa.

Mmarare 11:30

Gɛ bwejena nɔ lɔ Jɔɔdan Moo ŋwɛnɛ wee cholibɔr, Araba Fɛlembɔjen bela Keenan tena aa soɡa harɛ ta. A bɛne More dajena Gelɡal sideŋ.

Josua 10:43

Anɔ habɔɔ la, Josua ne o laa tena bwa kaa Gelɡal bela baa baŋre ba tɛnte deene la dɛ ka so.

Josua 10:6

Belaa Gebeɔn tena den tomɛ nɛra Josua ne o nɛra Israel tena be bela baa baŋre ba tɛnte deene Gelɡal la ŋɔ, “Nomoa, Amɔre harɛ koranar baa lɔ deŋɡarere bwɛɛre ta bwa lɔɔ pɛ, dɛ kpɔ ba laa tena dɛɛ ba ba yo yaa, anomanta, kpɔ he nɛra ba warane dɛ́ ba cha he bonɔɔna, dɛ́ lɛ yaa ta.”

Josua 15:7

Harɛ la jwɛh le bela kaa Akɔ Fɛlembɔjen ta, dɛ kpoŋe kaa bwɛjen Debir, dɛ berɛ ɡole kpɔ weekaŋle nyundua dɛ kaa Gelɡal, o sie aa chaɡɛ bobɛl ŋwɛnɛ aa chɔa dɛ kaa Adumim Bwejen weekaŋle harɛbɔr fɛlembɔjen la baŋ. Dɛ kpoŋe le Ɛn Sɛmɛs nee nyoa dɛ ka tel Ɛn Roɡel nyoa.

Josua 24:11

Asɛ he le Jɔɔdan Moo la baŋ dɛ ba bwɛjen Jeriko ta. Jeriko tena yo heya, ɡɛɛ Amɔre tena ɡe ne Pɛrɛs ne Keenan ne Hiti ne Girɡasi ne Hivi dɛ Jebus tena ɡe yo heya, kɛ n ɡelɔ he pɔ ba nɛ.

Josua 4:18

Ate, sɔfore baa cheɡɛ Korowii Ne Nɛwɛnyina Fɔo Daka la le ba che baŋ. Baa lea ba che moo la nyoa la, buɡ la ta, dɛ nee o fa aa teŋa la berɔ su dɛɛ palɛ kɛ wubwa la.

Josua 5:10

Israel tena kaa baŋre ba tɛnte deene dɛ so Gelɡal, o bɛne bwɛjen Jeriko harɛ waa chɔa kaa ta. Dɛ ba dɔ Galekaa Tɔpejen dɛɛ ba dii korobie la tɔpera fi dɛ anaarɛ ta jɔmɔra.

Josua 5:9

Asɛ Korowii ŋɔ Josua be ŋɔ, “N laa yoma haa ɛa Ijipt harɛ ta la sihiih kpɔ he sie ta fini.” Anomanta, ba dɛ yerɛ bela Gelɡal dɛ ba le fini.

Josua 9:6

Belaa nɛra la la Josua ne Israel tena la be bela baa baŋre ba tɛnte deene Gelɡal. Ate, Gebeɔn tena la ka ŋɔ ba be ŋɔ, “Ya le bojaŋ harɛ bɛl ta, ya dɛ nyin kɛ ya ne he fɔwɛ darame fɔo.”

1 Samoɛl 10:8

Berɛ tɔ n sie dɛ kaa bwɛjen Gelɡal. Mɛɛ pui belaa dɛ́ ba fuh kwaa ɛ saraha ne deŋnesɔɔhna saraha. Kɛ so ka tel tɔpera anuanɛ mɔɔ ń ba baɡle waa haa ɛ.”

1 Samoɛl 15:33

Ate, Samoɛl berɛ ŋɔ, “Gɛ haa kpoo bechale ba nyare paŋɛ bii la, ɡɛɛ he nya ɡe ɛɛ ba bie paŋa.” Asɛ Samoɛl kpo Kooro Aɡaɡ Korowii sie Gelɡal bela.