Josua 4:14 - mzwDBL

¹⁴ Awola Korowii ɛ waa Israel tena bwa siwi ta ba na kɛ Josua ɛ nɛnjen. Ba kpɔ duure tɛo o soɡa bini bwa, ɡɛ tenten baa duu Mosis la.

Josua 4:14 Iomraidhean Croise

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

2 Koranar 2:15

Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,

1 Webena 29:25

Korowii ɡɔɔ Kooro Solomɔn Israel tena bwa sie, dɛ tɛo jirima kohona Israel harɛ ta kooro bɛlbwa aa wola a dɔŋ dɔe.

2 Webena 30:12

Gɛɛ Korowii ɛ, dɛ ja Juda tena nɛ, dɛ ɡel ba dɔ nyopɛo, dɛ teŋɛ waa kooro ne o nomonome aa do ba la ta, ɡɛ waa bola la.

Kaala 11:3

Korowii ɡelɔ Ijipt tena sie lɛ Israel tena la nɛ, asɛ kooro ne o nomonome ne harɛ la ta nɛra bwa kpɔ Mosis ɛ nɛnjen.

Kaala 14:31

Israel tena aa na Korowii kpeɡri kohona waa kpɔa chɔɡ Ijipt tena la, ba ɔmɔ asɛ dɛ yarada Korowii ne o bonɔɔ Mosis.

Sɛɡla 24:21

N bie, dɛɛ ɔmɛ Korowii ne he kooro, he ne nɛra baa dɛ ɛɛ ba deŋnekpeɡ bɛ pɛ dɛ́ ɛ beŋkpoŋ.

Tɔn Pɔɔl Aa Chwerɛ Rom Tena 13:4

dɛkalkɛŋɔ Korowii bonɔɔnaa ban. He kɛrɛdɛ waa baa ɛ ba toma la. Dɛ he dɛ ɛ wechɔɡa te naa, dɛɛ ɔmɛ nomonome, dɛkalkɛŋɔ pɛɛpɛɛ laa ba dɔ kpeɡri baa kpoŋa la. Korowiirii tɛɛ ba kpeɡri ásɛ ba tɛr wechɔɡ-ɛɛra deŋne dɛɛ tɛo.

1 Kɔrent 10:2

A kaa ɛ kɛŋɔ ba fa aa sɔ ba bwa Korowii nee bam la ne mpo la ta, asɛ ba ne Mosis pɛ.

Josua 3:7

Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

Josua 4:13

Nɛra dɛ ɛ kaɡboŋa fifraanaarɛ baa tela ne yoi kpɔ ba te, dɛ ɛɡɛ Jɔɔdan Moo la le harɛpɛɛ waa chɔa kaa dɛ bɛne bwɛjen Jeriko ta. Dɛ Korowii ja ba nɛ.

Josua 4:15

Sɔfore la taa cheɡɛ Jɔɔdan Moo nenabɔɔ baah ta la, Korowii ŋɔ Josua be ŋɔ,

1 Samoɛl 12:18

Anee Samoɛl soŋe Korowii awola, asɛ bwaala nɛ dɛ kɔr kohona. Asɛ ɔmee kohona lawɛ nɛra la bwa Korowii ne Samoɛl wa.