Josua 4:11 - mzwDBL

¹¹ Nɛra la bwa aa lea tonɛ la, sɔfore la ɡe kpɔ Korowii Ne Nɛwɛnyina Fɔo Daka la le ba ka tɔ ba sie ba bwa siwi ta.

Josua 4:11 Iomraidhean Croise

Aesaya 52:12

Toola ne laa hɛɛ ba lee, kɛɛ chwae laa hɛɛ ba chwae le, dɛ́ dɔ he nyu. Korowii haa dɛ tomɔ la ɛɛ tɔ he siee, wɛɛ berɔ teŋɛ he nɛɛ dɛ́ daah heya.

Josua 24:11

Asɛ he le Jɔɔdan Moo la baŋ dɛ ba bwɛjen Jeriko ta. Jeriko tena yo heya, ɡɛɛ Amɔre tena ɡe ne Pɛrɛs ne Keenan ne Hiti ne Girɡasi ne Hivi dɛ Jebus tena ɡe yo heya, kɛ n ɡelɔ he pɔ ba nɛ.

Josua 3:17

Sɔfore baa cheɡɛ Korowii Ne Nɛwɛnyina Fɔo Daka la valɛ harɛpɛɛ ta, Jɔɔdan Moo nenabɔɔ la bini dɛ ka jaɡɛ che, asɛ nɛra la bwa sekwaraa kpɔ harɛpɛɛ la ta ba bɛɡ ba dɛ le o baŋ.

Josua 3:8

Dɛ berɛ ŋɔ o be ŋɔ, “Ŋɔ sɔfore baa cheɡɛ N Ne Nɛwɛnyina Fɔo Daka la be ŋɔ, ‘Haa dɛɛ jo Jɔɔdan Moo nee la ta la, hé den che bela, dɛ bɛ sie kaa.’ ”

Josua 4:10

Sɔfore baa cheɡɛ Korowii Ne Nɛwɛnyina Fɔo Daka la cheɡɛ Jɔɔdan Moo nenabɔɔ la baah ta ka tel kɛŋɔ, waa Korowii aa do Josua ŋɔ ó ŋɔ Israel tena la be ŋɔ ba ɛ la aa tona, ɡɛ tenten Mosis aa bol Josua be la. Dɛ nɛra la ɛɡɛ Jɔɔdan Moo la le kaa warane.

Josua 4:12

Belaa Rubin ne Gad deene dɛ Manasɛ dea la pera tena bane baa tela ne yoi kpɔ ba te, dɛ ka tɔ Israel tena la bwa sie, ɡɛ Mosis aa ŋɔ ba be la.

Josua 4:18

Ate, sɔfore baa cheɡɛ Korowii Ne Nɛwɛnyina Fɔo Daka la le ba che baŋ. Baa lea ba che moo la nyoa la, buɡ la ta, dɛ nee o fa aa teŋa la berɔ su dɛɛ palɛ kɛ wubwa la.