Josua 4:10 - mzwDBL

¹⁰ Sɔfore baa cheɡɛ Korowii Ne Nɛwɛnyina Fɔo Daka la cheɡɛ Jɔɔdan Moo nenabɔɔ la baah ta ka tel kɛŋɔ, waa Korowii aa do Josua ŋɔ ó ŋɔ Israel tena la be ŋɔ ba ɛ la aa tona, ɡɛ tenten Mosis aa bol Josua be la. Dɛ nɛra la ɛɡɛ Jɔɔdan Moo la le kaa warane.

Josua 4:10 Iomraidhean Croise

Yela 119:60

Mɛɛ ɛ waranee maa wola hɛlɛ, dɛ́ɛ teŋɛ waa haa do mɛ a ta la.

Kaala 12:39

Ba kpɔ men baa ɛa dɛ le ane Ijipt la ɛ paanoo iisi aa wola toole a ta. Dɛkalkɛ baa doŋ ba le bela la, ba ta bɔr dɔe dɛ́ ɛ ba kondikwa bɛlbwa.

Sɛɡla 27:1

Bɛ waa haa ɛ kere kpɔ dɛɛ bol wa, haa jemɛ ɡɛ tɔɔ aa dɛ ba he pera.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

2 Kɔrent 6:2

Korowii bolɔ ŋɔ, “Saŋ aa tela kɛŋɔ ń na he sum la, n no he be. N ta he chae vɛɛh a ɡɛ saŋ, n lɛ heya.” Hé no! Tɔpere telo kɛŋɔ he no Korowii be ó na he sum. Finii he lɛɛ tɔpere.

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.

Josua 24:11

Asɛ he le Jɔɔdan Moo la baŋ dɛ ba bwɛjen Jeriko ta. Jeriko tena yo heya, ɡɛɛ Amɔre tena ɡe ne Pɛrɛs ne Keenan ne Hiti ne Girɡasi ne Hivi dɛ Jebus tena ɡe yo heya, kɛ n ɡelɔ he pɔ ba nɛ.

Josua 3:13

Sɔfore baa cheɡɛ Korowii waa dɔ harɛ nɔ bwa Daka la jo moo la ta naa, Korowii ɛɛ ɡeloo ó ɡel pala dɛ́ teŋe.”

Josua 4:11

Nɛra la bwa aa lea tonɛ la, sɔfore la ɡe kpɔ Korowii Ne Nɛwɛnyina Fɔo Daka la le ba ka tɔ ba sie ba bwa siwi ta.

Josua 4:9

Josua ɡe kaa kpɔ bwefala fi dɛ anɛ Jɔɔdan Moo la nenabɔɔ baah ta, dɛ kpɔ paaɡe bela sɔfore baa cheɡɛ Korowii Ne Nɛwɛnyina Fɔo Daka la fa aa cheɡa la. A ta cheɡɛ bela ba le fini.