Josua 3:7 - mzwDBL

⁷ Belaa Korowii ŋɔ Josua be ŋɔ, “Finii mɛɛ ba mun pae dɛ́ ɡel Israel tena bwa jemɛ kɛŋɔ henee ba sitɔɔ, ásɛ ba jemɛ kɛrɛdɛ kɛŋɔ n ja he nɛɛ kɛŋɔ n fa aa ja Mosis nɛɛ la.”

Josua 3:7 Iomraidhean Croise

1 Webena 29:25

Korowii ɡɔɔ Kooro Solomɔn Israel tena bwa sie, dɛ tɛo jirima kohona Israel harɛ ta kooro bɛlbwa aa wola a dɔŋ dɔe.

2 Webena 1:1

Kooro Devid bibaa Solomɔn soɡo kiŋkiŋ o kora ta Israel harɛ ta bwa, asɛ Korowii waa dɛ tomɔ che o mun ta, dɛ ɛo nɛnjen kohona.

Job Tɔn 7:17

Bɔkwaa nɛwɛnyina ɡe ba waa hiaeh nɔ? Ɛrɛɛ hɛɛ dawɛ waa baa dɛ ɛɔ?

Yela 18:35

N Naa Korowii, he tɔ mɛ ɡbemɡbe dɛ lɛɛ mɛ, nyiŋa haa dɛ nyiŋi n nɛɛ la ɡelɔ n do kpeɡri, asɛ he kpeɡri ɡel n dɔ n te.

Amanesoma Jɔn Aa Chwera Tɔn 17:1

Yeesu aa bol waa nɔ tonɛ la, o ha sie dɛ nyiŋi nyundua asɛ dɛ jam Korowii ŋɔ, “N Mɛɛ, tɔpere la telo. Tɛ men maa ɛ he Bie jirima ásɛ n ɡe won kpɔ jirima tɛɛ.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Josua 1:17

Yaa no he nyoa wobolee ɡɛ ya fa aa dɛ no Mosis waa la. Ya dɛ soŋe Korowii kɛŋɔ ó ja he nɛ ɡɛ o fa aa ja Mosis nɛɛ la.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 3:6

Tɔ aa pera chɔɔ la, Josua ŋɔ sɔfore la be ŋɔ, “Hé kpɔ Korowii Ne Nɛwɛnyina Fɔo Daka la che, dɛ́ tɔ sie nɛra la teŋɛ.” Asɛ ba kpɔ che dɛ tɔ ba sie.

Josua 3:8

Dɛ berɛ ŋɔ o be ŋɔ, “Ŋɔ sɔfore baa cheɡɛ N Ne Nɛwɛnyina Fɔo Daka la be ŋɔ, ‘Haa dɛɛ jo Jɔɔdan Moo nee la ta la, hé den che bela, dɛ bɛ sie kaa.’ ”

Josua 4:14

Awola Korowii ɛ waa Israel tena bwa siwi ta ba na kɛ Josua ɛ nɛnjen. Ba kpɔ duure tɛo o soɡa bini bwa, ɡɛ tenten baa duu Mosis la.