Josua 3:3 - mzwDBL

³ dɛ ŋɔ, “He baa na kɛŋɔ Lewi dea tena baa ɛ sɔfore la cheɡɛ Korowii Ne Nɛwɛnyina Fɔo Daka dɛɛ kaa laa, bɛlbwa ir dɛ́ teŋɛ ba nɛ.

Josua 3:3 Iomraidhean Croise

2 Samoɛl 6:13

Baala baa cheɡɛ Daka la aa ta naɡale anumɛl la, Kooro ɡelɔ ba che asɛ o kpo nabal dɛ nao bie waa do noo kohona, dɛ ɛ saraha tɛ Korowii.

2 Samoɛl 6:3

Ba kpɔ Korowii Ne Nɛwɛnyina Fɔo Daka la le Abinadab dem deŋɡare bɛl doa, dɛ kpɔ chɔŋɛ torɔɡofale bɛl ta nabala ɛɛ tɛro. Abinadab bibaala bane baa dɛ yer ba Ussa ne Ahio, banee ba le ŋɔ baa daah torɔɡo la,

1 Koranar 8:3

Israel nomonome la bwa aa baa cheme la, sɔfore la kaa kpɔ Korowii Ne Nɛwɛnyina Fɔo Daka la,

Jeremia 33:18

ásɛ sɔfore le Lewi dea dɛɛ tom mɛ n Dea saŋ bɛlbwa, dɛɛ fuh sarahare ne mea sarahare, dɛ́ kpɔ kwaa baa kpoora ɡe baa tɛ mɛ.”

Nɛra Kura 10:33

Anomanta, ba pa mun valɛ le Sinai Bwejen la ta, dɛ valɛ tɔpera atoro. Lewi dea tena cheɡɛ Korowii Ne Nɛwɛnyina Fɔo Daka la tɔ ba sie tɔpera atoro, dɛɛ ɡaaɡe bela waa dɔ tɛɛ ba bá so.

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 8:19

Tɔnjereme bɛl balɔ dɛ ba ŋɔ o be ŋɔ, “Nomoa, bobɛlbwa haa dɛ la la, mɛɛ teŋɛ he nɛɛ kaa.”

Mmarare 31:25

Waa tona la, o ŋɔ Lewi dea tena baa ɛ sɔfore dɛɛ nyiŋi Korowii Ne Nɛwɛnyina Fɔo Daka la ta be ŋɔ,

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.

Josua 3:4

Haa ŋwɛnɛ la ta jemɛ, banee dɛɛ ba he sie tɔe, dɛ́ baɡle heyaa bela haa kpɔ. He bɛ Korowii Ne Nɛwɛnyina Fɔo Daka la dɛɛ bɛne, hé ɡel dɛ ɛ naɡale kaɡboŋa atoro ta he ne o baah ta.”

Josua 3:6

Tɔ aa pera chɔɔ la, Josua ŋɔ sɔfore la be ŋɔ, “Hé kpɔ Korowii Ne Nɛwɛnyina Fɔo Daka la che, dɛ́ tɔ sie nɛra la teŋɛ.” Asɛ ba kpɔ che dɛ tɔ ba sie.

Josua 3:8

Dɛ berɛ ŋɔ o be ŋɔ, “Ŋɔ sɔfore baa cheɡɛ N Ne Nɛwɛnyina Fɔo Daka la be ŋɔ, ‘Haa dɛɛ jo Jɔɔdan Moo nee la ta la, hé den che bela, dɛ bɛ sie kaa.’ ”

Josua 4:10

Sɔfore baa cheɡɛ Korowii Ne Nɛwɛnyina Fɔo Daka la cheɡɛ Jɔɔdan Moo nenabɔɔ la baah ta ka tel kɛŋɔ, waa Korowii aa do Josua ŋɔ ó ŋɔ Israel tena la be ŋɔ ba ɛ la aa tona, ɡɛ tenten Mosis aa bol Josua be la. Dɛ nɛra la ɛɡɛ Jɔɔdan Moo la le kaa warane.

Josua 6:6

Asɛ Nun bibaa Josua yerɛ sɔfore la dɛ ŋɔ ba be ŋɔ, “Hé kpɔ Korowii Ne Nɛwɛnyina Fɔo Daka la che, ásɛ he bini banuanɛ ɡe kpɔ bɛle tɔ o sie.”

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

1 Samoɛl 6:15

Lewi dea tena la kpɔ Korowii Ne Nɛwɛnyina Fɔo Daka la ne dakajeɡa baa kpɔ suuɡaswɛm kwaa do o bini la chɔŋɛ bwe la ta. Bɛt Sɛmɛs tena kpoo kwa, dɛ ɛ saraha baa dɛ fuah tɛ Korowii awola.