Josua 3:16 - mzwDBL

¹⁶ o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

Josua 3:16 Iomraidhean Croise

Mumpar 14:3

Gɛ nɛmbele banue nɔ baa cheme Sidim Fɛlembɔjen ta. Ba berɔ dɛɛ yerɔ Yar Mpo taraken.

1 Koranar 4:12

Ahilud bibaa Baana chɔ bwɛjena Taanak ne Meɡido nyoa, dɛ berɛ kpoŋe ka le Bɛt San harɛ waa bɛne Saretan Jesreel weekaŋle harɛbɔr, dɛ le Bɛt San dɛɛ kaa bwɛjen Ebel Mehola, dɛ ka le bwɛjen Jokmeam baŋ.

1 Koranar 7:46

Jɔɔdan Moo deŋɡarere dor harɛ waa chɔa kaa dɛ do Sukot ne Saretan baah ta chooh ba kpɔ, dɛ charama ɛ komɛlbwa baa dɛ nyin dɛ fora bɔɔ, asɛ dɛ kpɔ ayaawa ɛ a bini.

Yela 114:3

Mposwɛm pere anɛ ba siwi ta, asɛ Jɔɔdan Moo ɡe ɡel pala.

Yela 114:5

Bɔkwa waa bala Mposwɛm pere anɛ, asɛ Jɔɔdan Moo ɡe ɡel pala ɔ?

Yela 29:10

Korowii dɛ di kora mpo vile ta, o dɛ di kora saŋ bɛlbwa dɛɛ la.

Yela 33:7

Onee ɡela mpo boa nyoa chɔ bobeŋkpoŋ, dɛ kwaa a vile cheɡ kɛŋɔ, paa yon kwaa kondikwaa cheɡ dɔndɔŋ bini la.

Yela 66:6

Onee ɡela mpo hweeh, harɛpɛɛ hol chɔ, ya naawa valɛ kpɔ o ta le. Belaa ya sie lɛ, waa Korowii aa ɛa wa.

Yela 74:15

He ɡelɔ buli ne nenabɔɔne ɛɛ palɛ, dɛ ɡel mojena hweeh.

Yela 77:19

He valɛ mpo nehɛma ta dɛ ɡale o vile, kɛ ba ta he nabuɡe nae.

Yela 78:13

O ɡelɔ mpo pere anɛ, dɛ tɔ ba sie, asɛ ba valɛ o bini le kɛŋɔ harɛpɛɛ ken. O ɡelɔ nee la teŋe che kɛŋɔ danjwɛɛ diɡ ne ɡal.

Kaala 14:21

Mosis tɛr daŋɡbala waa lɔ o nɔn ta la pa mpo la ta, asɛ awola jwaana la bwa Korowii ɡel peujen bɛl ta le wee leebɔr, dɛ taɡɛ nee la kaa habɔɔ o berɛ harɛpɛɛ dɛ hol chɔ. Mpo la bini pero,

Kaala 14:22

asɛ Israel tena valɛ harɛpɛɛ waa hola ta dɛ le o baŋ. Nee la pero che kɛŋɔ danjwɛ dɛ do ba diɡ ne ɡal,

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

Kaala 15:8

He nyoa peu ɡbo ɡelɔ mpo bini pere, dɛ che diɡ ne ɡal kɛŋɔ danjwɛ, o holɔ vile aa lɔ o baah ta chɔ pɛɛ.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Ɛsekeɛl 47:8

Baa la ŋɔ n be ŋɔ, “Gɛ moo nɔ palɔ kpɔ wee leebɔr harɛ ta dɛ wili jo Jɔɔdan Felembɔjen ta, dɛ ka jo Yar Mpo ta. O palɔ ka jo mpo la ta naa, mpo nee la dɛ́ do wer.

Neehum 1:4

O dɛ bol wa mpo hweeh, dɛ́ ɡel neerare bwa hweeh. Basan harɛdɛɛɡe ne Kaamɛl Bwejen bwa dɛ hol, asɛ Lɛbanɔn daa fee bwa ɡe ɛɛ serewe.

Habakuk 3:8

N Naa Korowii, he baah di neerare nɛɛ kɛɛ? He bandia lɔ nenabɔɔne nɛɛ kɛɛ? Mpo nɛɛ he baah di, ɡɛ saŋ haa soɡe he jaɡre, ne torɔɡore baa vɔrɔwa pɛl a nɛɛ dɛɛ la ka yo nɛra dɛ́ pɔ ba nɛɛ kɛɛ?

Nɛra Kura 34:3

Weekaŋle harɛbɔr jwɛh la le Sin pua hɛŋle ɡbo harɛ la ta, dɛ́ kpoŋe kaa Edom harɛ jwɛh ta. Wee leebɔr ɡe le Yar Mpo ta kaa weekaŋle harɛbɔr,

Mmarare 1:1

Kenii Mosis bol Israel tena be ɡɛ saŋ baa lɔ pua hɛŋle ɡbo harɛ ta, Jɔɔdan Moo wee leebɔr. Bela lɔ Jɔɔdan Fɛlembɔjen ta, dɛ bɛne bwɛɛ Suf, o do Paran ne Tofɛl ne Laban, ne Haserɔt dɛ Disahab baah ta.

Mmarare 3:17

Le wee cholibɔr ɡe, ba bɔr kaa Jɔɔdan Moo ta, dɛ le Galilia Moo weekaŋle nyunduabɔr dɛ kpoŋe kaa Yar Mpo weekaŋle harɛbɔr, dɛ kpɔ ka jaɡɛ Pesɡa Bwejen wee leebɔr.

Josua 12:3

O harɛ la teŋɔ ba le Jɔɔdan Fɛlembɔjen la ta, dɛ le Galilia Moo weekaŋle harɛbɔr, dɛ kaa Bɛt Jɛsemɔt harɛ ta, o lɔ Yar Mpo wee leebɔr. Dɛ kpoŋe kaa Pesɡa Bwejen lɔɡa.

Josua 15:2

Harɛ la jwɛh le Yar Mpo nyoa weekaŋle harɛbɔr,

Josua 16:7

O berɔ le Janoa dɛ wili kaa bwɛjena Atarɔt ne Naara, dɛ ka jaɡɛ bwɛjen Jeriko, dɛ ka tonɛ Jɔɔdan Moo la nyoa.

Josua 3:13

Sɔfore baa cheɡɛ Korowii waa dɔ harɛ nɔ bwa Daka la jo moo la ta naa, Korowii ɛɛ ɡeloo ó ɡel pala dɛ́ teŋe.”

Josua 4:22

hé ŋɔ ba be ŋɔ, ‘Harɛpɛɛ taa Israel tena kpɔ ɛɡɛ Jɔɔdan Moo le.’

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Sitɔɔla 7:22

Nɛra lafraatoro la aa hoh ba bɛle la, Korowii ɡelɔ Midian tena baa lɔ ba sobɔr la bwa la ɡbaɡba ɛɛ kpoo dɔŋa. Asɛ ba bini laa tena baa kaa la chwa kpɔ sie chaɡɛ Sɛrɛra dɛ kaa Bɛt Sita dɛ kpoŋe kaa Ebel Mehola jwɛh waa bɛne Tabat la ta.