Josua 24:8 - mzwDBL

⁸ N ba he ne Amɔre tena harɛ waa lɔ Jɔɔdan Moo wee leebɔr la ta. He ne ba yoo, asɛ n che he mun ta he pɔ ba nɛ, asɛ he ka kpɔ ba harɛ la ɛ he kapɛrɛ kon.

Josua 24:8 Iomraidhean Croise

Nehemia 9:22

He ɡelɔ ba yo dɛ pɔ koranar ne harɛre nɛra nɛ, harɛre aa lɔ ba jwɛh ta. Ba yo Hɛsbɔn Kooro Sihon, ne Basan Kooro Ɔɡ, dɛ pɔ ba nɛ, dɛ lɛ ba harɛre.

Kaala 23:23

N nyundua torome ɛɛ tɔ he siee, dɛ́ ba he ne Amɔre ne Hiti, ne Pɛrɛs ne Keenan ne Hivi, dɛ Jebus tena harɛ ta. Mɛɛ kpo ba bwaa harɛ la ta.

Emɔs 2:10

Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Mmarare 2:32

Ate, Kooro Sihon ne o laa tena bwa le dɛɛ ba ba yo yaa bobɛl baa dɛ yerɔ Jahas.

Josua 13:10

Harɛ la le Amɔre tena Kooro Sihon waa di kora Hɛsbɔn la bwɛjena bwa ta, dɛ ka le Amɔn tena harɛ jwɛh ta,