Josua 24:27 - mzwDBL

²⁷ Dɛ ŋɔ ba be ŋɔ, “Hé na, bwe nɔɔ ɛ ya bwa danseɛ, o no wobɛlbwa Korowii aa bol ya be. Wɛɛ ɛ danseɛɛ, dɛ he baa le habɔɔ ŋɔ haa Korowii tomɛ kpa aa, o le heyaa tɛ.”

Josua 24:27 Iomraidhean Croise

Job Tɔn 31:23

N ɔmɛ waa Korowii aa ɡel a ba n nɛ, n ɔmɛ o kan waa doa, n ta wone ɛ ɡɛ waa la.

Job Tɔn 31:28

a ɡe fe ɛ wechɔɡa Korowii be ó bol dɛ́ pa bole, n fe ɛ nɛn n wa aa wola kasinteŋ dɔe, Korowii waa lɔ nyundua be.

Sɛɡla 30:9

Dɛ n dɔ kohona naa, mɛɛ soh he waa, dɛ́ ŋɔ, ‘Korowiirii ume o?’ N berɔ nya kwaraa ɡe aa, ŋwɛɛ mɛɛ ba ŋwɛɛ dɛ́ ɡel he sɔn chɔɡ.

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Habakuk 2:11

Bwea haa kpɔa ma dea la ɛɛ do lɔŋɔree kɛŋɔ nɛra ken, ásɛ doli haa kpɔa tɔɔ la ɡe sɛh.

Nɛra Kura 11:20

Hɛɛ chwea korobibir bwaa a ba lawɛ heya, dɛ́ pe heya, dɛkalkɛŋɔ he vɛh Korowii, onee ja he nɛɛ he soɡa bini. Kɛ he wi o siwi ta ŋɔ, ‘Bɔkwaa ɡela ya le Ijipt harɛ te nɔ?’ ”

Matiu 10:33

Nomɛlbwa ɡe waa vɛɛh mɛ nɛra baah ta, dɛ ŋɔ o ta n nɛɛ jae la, ɡɛɛ n ɡee ba o vɛɛh n Mɛɛ waa lɔ nyundua la sie, dɛ́ ŋɔ n ne o laa.

Amanesoma Luk Aa Chwera Tɔn 19:40

Anee Yeesu ŋɔ ba be ŋɔ, “Dɛ ba helaa, bwea kwara ɛɛ mooluu.”

Mmarare 30:19

Nyundua ne harɛ ɛ danseɛ fini kɛŋɔ n tɛ heyaa mkpa ne seo, dɛ som Korowii aa dɛ tɛ ne taahna. Kɛ hé kpɔ a bini bɛl. Hé kpɔ mkpa.

Mmarare 31:19

Korowii ŋɔ Mosis ne Josua be ŋɔ, “N dɛ ba heyaa yel baɡla, he chwerɛ bil, dɛ́ kpɔ baɡle Israel tena, ásɛ a ɛ waa dɛ́ chɔ tɛɛ ba.

Mmarare 31:21

Ásɛ wekpeɡa ba ba nɛɛ taeh, kɛ ba taa teŋɔɔ dɛ́ ɡo yel la, ásɛ a ɛ waa dɛ́ chɔ tɛɛ ba. Taraken kwara, n jemɛ liire baa dɛ lii mɔɔ mɛɛ ba ba ne harɛ maa baɡ ba nyoa la ta kaala.”

Mmarare 31:26

“Hé lɛ tɔn nɔ, Korowii Mmarare lɔ o ta. Hé kpɔ bil O Ne Nɛwɛnyina Fɔo Daka nɔ jwɛh, ásɛ o do bela dɛɛ lii ba ɡɛ baa so kɛrɛdɛ.”

Mmarare 32:1

Waa aa lɔ Mosis yel la bini laanee nɔ. “Nyundua ne harɛ hé no n be, hé cheɡ deŋne dɛ́ no waa maa dɛ ba bola nɔ.

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Josua 22:34

Asɛ Rubin ne Gad deene tena ŋɔ, “Saraha kon nɔ ɛ danseɛ tɛ ya bwa kɛŋɔ Korowiirii ya dɔɔ.” Asɛ dɛ pa o sɔn “Danseɛ.”

Josua 24:28

Asɛ Josua ta ba ŋwɛnɛ bɛlbwa kaa ba harɛre ta.

Wepila 3:8

N jemɛ he we-ɛɛla. Hɛ́ɛ no! N pili ŋwɛnɛ tɛ heya, nomɛlbwa aa won tɔɔ, dɛkalkɛŋɔ he kpeɡri aa kanɛ. Kɛ he wono dɛɛ teŋɛ n webaɡla ta. He ta tɔeh kɛ n ne he laa. He ta n nɛɛ teŋa ɡelɛ.

1 Samoɛl 7:12

Ate, Samoɛl kpɔ bwe bɛl pa Mispa ne Sɛn baah ta. Dɛ pa o sɔn Ɛbɛneesa dɛ ŋɔ, “Bonɔɔ Korowii cha yaa ya ba tel.”