Josua 24:20 - mzwDBL

²⁰ He bɛ Korowii toma ɡel, dɛ́ kaa tomɛ harɛre ane voɡa. A lole kɛŋɔ o fa ɛ wedɛɛɡa tɛ heya te, o bandia ɛɛ ir he nɛɛ ó tɛr he deŋne ka tel kɛŋɔ waa chɔɡ heyaa kwaraa.”

Josua 24:20 Iomraidhean Croise

1 Webena 28:8

Anomanta, n dɛ ŋɔ he be Korowii yaa dɛ tomɔ ne o nɛra Israel tena bwa siwi ta kɛŋɔ, hé nyiŋi kɛrɛdɛ dɛɛ teŋɛ Korowii yaa dɛ tomɛ nɔ mmarare ne waa maa kpɔa tɛ heyaa bwa ta, ásɛ dɛ won dɔ harɛdɛɛɡe nɔ, hale he naanar bwa ɡe bá dɔ ɛ ba kon saŋ bɛlbwa dɛɛ la.”

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

Ɛsra 8:22

Dɛ sihiih dɛ kpo mɛ kɛ n soŋe laa tena ne nɛra baa soɡe jaɡre ta le koojen be ŋɔ, bá tɔ yaa ɡbemɡbe le ya dɔma baa lɔ ŋwɛnɛ ta la be, dɛkalkɛŋɔ ya ŋɔ koojen la be ŋɔ Korowii dɛ sune nomɛlbwa waa kpɔ o te dɛɛ tɛo nɛ, kɛ nɛra baa vɛoh la te, o baah ɛɛ diu kohona ó tɛr ba deŋne.

Yela 89:31

dɛ laa sie kpɔ waa maa chaɡ ba ta, baa men Mmarare ta teŋɛ aa,

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

We-ɛɛla 7:42

Asɛ Korowii berɛ habɔɔ kpo ba, dɛ ɡel baa ɛ ba tetoowaa dɛɛ tomɛ wee ne korobie ne weweela aa lɔ nyundua la. Gɛɛ ba chwerɛ Korowii Keamere Tɔn ta la ŋɔ, ‘Israel tena, he fa aa lɔ pua hɛŋle ɡbo harɛ ta bene lafraanaarɛ la, menee he fa kpoo kondɛɛra dɛɛ tɛ la aa?

Mmarare 4:25

Dɛ he kaa so harɛ la ta biɡri dɛ loɡle bii ne naanar aa, he bɛ ɡel he pɛla ba dɔ voɡa toma he ɛ wechɔɡa. A ɛ wechɔɡa Korowii be, dɛ ɡel o baah ɛɛ di.

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

Josua 24:21

Asɛ Nɛra la bwa ŋɔ Josua be ŋɔ, “Akai! Korowiirii yaa ba toma.”

1 Samoɛl 12:15

Kɛ dɛ haa duure kpɔe dɛɛ tɛo, dɛ vɛh o Mmarare ta teŋa aa, o baah ɛɛ di he ne he kooro nɛɛ ɡɛ o baah fa aa di he naawa nɛɛ la.

1 Samoɛl 12:25

Kɛ dɛ he ta nao dɛɛ ɛ wechɔɡa aa, he ne he kooro bwa ɛɛ serewoo.”