Josua 24:19 - mzwDBL

¹⁹ Ate, Josua ŋɔ nɛra la be ŋɔ, “He ken aa won tomɛ Korowii, o do ɡoroŋ dɛɛ we bwara. Waa he kasinteŋ bɛ dɔe ne he wechɔɡaa kpɔ kɛ heya.

Josua 24:19 Iomraidhean Croise

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Yela 99:3

Nomɛlbwa ɛɛ kpɛɛ o sɔn waa kana dɛ dɔ jirima laanee, onee do ɡoroŋ kohona.

Yela 99:5

Hé kpɛɛ Korowii yaa dɛ tomɔ la, hé ɡuŋi o kookara sie dɛ́ tomɔ, onee do ɡoroŋ kohona!

Yela 99:9

Hé kpɛɛ Korowii yaa dɛ tomɔ, dɛɛ tomɔ o bwejen waa do ɡoroŋ ta. Korowii yaa dɛ tomɔ la do ɡoroŋ.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Kaala 23:21

Hé cheɡ deŋne dɛɛ no wobɛlbwa waa bol he be. He bɛ lwɛmkpeɡ ɛ, he ɛ lwɛmkpeɡ aa, waa he bwaraa kpɔ kɛ heya, dɛkalkɛŋɔ onee chiɡ n naa ta.

Kaala 34:14

He bɛ voɡ bɛlbwa tomɛ ka ja men Korowii nɛ, maa nomɛlbwa nyin dɛ ja n nɛ.

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

Aesaya 2:9

Anomanta, hen Korowii ɛɛ ba ba bɛlbwa ne harɛɛ, ásɛ ba di sihiih. N Naa Korowii, bɛ ba wechɔɡa kpɔ kɛ ba.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 30:11

Hé ɡel ɡɛ haa dɛ ɛ la. He bɛ Israel Nɛŋɡoroŋ la waa bol ya be kpa.’ ”

Aesaya 30:15

Waa Nemenɛ Korowii, Israel Nɛŋɡoroŋ aa bol nɛra la bee nɔ. “Hé berɛ ba n be, dɛ́ kpɔ he hwɛɡa dawɛ n nɛ, ásɛ n lɛ heya, dɛ́ kpɔ nɔn tɔ he nɛ. Kɛ he vɛoh, he ta balɛ.

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Lewi Dea Tena 11:44

Hé do ɡoroŋ dɛkalkɛ men Korowii haa dɛ tom mɛ la, n do ɡoroŋ.

Lewi Dea Tena 11:45

Menee Korowii haa dɛ tom mɛ n lawɛ heyaa le Ijipt harɛ ta hé ba ɛ n nɛra, anomanta, hé do ɡoroŋ ɡɛ maa do ɡoroŋ la.

Lewi Dea Tena 19:2

ó ŋɔ Israel tena la bwa be ŋɔ, “Hé do ɡoroŋ, dɛkalkɛ men Korowii haa dɛ tom mɛ la, n do ɡoroŋ.

Lewi Dea Tena 20:26

A chɛ kɛŋɔ hé do ɡoroŋ dɛ́ che tɛ mɛ, dɛkalkɛ men Korowii n do ɡoroŋ, asɛ dɛ le heyaa cheɡ harɛre nɛra bwa bini, dɛ kpɔ heyaa ɛ n nɛra.

Lewi Dea Tena 20:7

Hé laa doŋa bɛlbwa kpɔ he nɛɛ dɛ́ do ɡoroŋ, dɛkalkɛ menee Korowii haa dɛ tom mɛ.

Neehum 1:2

Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Habakuk 1:13

He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Josua 24:18

Onee doŋi harɛre nɛra bwa ya sie, ne Amɔre tena bwa ba fa aa soɡe harɛ nɔ ta la. Ya ɡee tomɔɔ, onee Korowii aa chɛ kɛŋɔ yá tomɛ.”

Josua 24:23

Josua ŋɔ, “Amɔ te hé pa harɛre ane voɡare aa lɔ he be la ta, dɛ́ kpɔ he bambili bwa tɛ Korowii he Israel tena aa dɛ tomɔ la.”

Rut Tɔn 1:15

Anee Naomi ŋɔ o be ŋɔ, “Nyiŋi na, he nahaahnee bera dɛɛ kaa o harɛ ta ne ba voɡa bini la. He ɡe ka puu hé kaa.”

1 Samoɛl 3:14

Gɛ waa nɔ nomanta, n ŋwɛɛrɔ kɛŋɔ Eli ne o dem tena wechɔɡa baa ɛa la, hale kwaa kpoora kɛɛ saraha bɛlbwa ɛɛ aa won larawe tɛɛ ba.”

1 Samoɛl 6:20

Anee Bɛt Sɛmɛs baala ŋɔ, “Umee dɛ́ won che Korowii o wa aa do ɡoroŋ nɔ sie nɔ? Leperaa ya kaa Daka nɔ ne ó le ya nɛɔ?”