Josua 24:14 - mzwDBL

¹⁴ Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

Josua 24:14 Iomraidhean Croise

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Ɛsra 9:11

he cheɡɛ he bonɔɔna baa ɛ he keamere la nɛɛ dɛ ŋɔ, ‘Harɛ haa dɛ kaa o ta ka so la, wechɔɡa ɡelɔ nɛra baa soɡe o ta chɔɡo. Ba kpɔ we-ɛɛla men Korowii aa kia ne wedoŋa su harɛ la bwa.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 119:1

Nɛra ba we-ɛɛla aa toɡra, baa teŋɛ Korowii Mmarare ta la, ba na som.

Yela 119:80

Gel n bambile lawɛ he waa la, mɛɛ teŋɛ a ta kɛrɛdɛ, ásɛ sihiih bɛ men kpo.

Yela 130:4

Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

Yela 81:10

Menee Korowii haa dɛ tomɛ, n le he ne Ijipt harɛ ta la. Hé waa dɔ kasinteŋ tɛ mɛ naa, mɛɛ tɛ heya kondikwaa kɛŋɔ, jumbie aa dɛ tɛ o bii la.

Ɛsekeɛl 20:18

N bol ba bii be pua hɛŋle ɡbo harɛ ta bela ŋɔ, ‘Hé nyiŋi kɛrɛdɛ dɛ bɛ he naawa we-ɛɛla kɛɛ mmarare kɛɛ ba voɡa nɛɛ teŋɛ, dɛ́ kpɔ doŋa kah he te.

Ɛsekeɛl 23:3

Ijipt harɛ taa ba so, dɛ le ba toli saŋ kpɔ bannyin dawɛ ba sie ta, dɛɛ bɔ jwamane.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Lewi Dea Tena 17:7

A ta chɛ kɛ Israel tena vɛh men Korowii toma, dɛ́ ka ɛ saraha tɛ voɡa dɛɛ toma. Gɛ Mmara nɔ chɛ kɛ á chɔ le tɛ ba ne ba naanar baa ka ba bwa.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Mmarare 18:13

A chɛ kɛŋɔ hé waa do kaih Korowii haa dɛ tomɔ nɔ be.”

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.

Josua 24:2

Asɛ Josua ŋɔ ba be ŋɔ, “Korowii ya Israel tena aa dɛ tomɔ la ŋɔ, ‘A saŋ la, he nabaala fa soɡe Yufretis Moo la baŋ le dɛɛ tomɛ voɡa. Ba bini bɛlee Tɛɛra waa ɛ Abraham ne Neehɔ bwa mɛɛ.

Josua 24:23

Josua ŋɔ, “Amɔ te hé pa harɛre ane voɡare aa lɔ he be la ta, dɛ́ kpɔ he bambili bwa tɛ Korowii he Israel tena aa dɛ tomɔ la.”

1 Samoɛl 12:14

Dɛ he dɛ ɔmɛ Korowii dɛɛ tomɔ dɛɛ teŋɛ o Mmarare ta, hale he ne he kooro bwa naa, he wobɛlbwa ɛɛ do werii tɛ heya.

1 Samoɛl 12:24

Hé nyiŋi kɛrɛdɛ dɛ́ɛ teŋɛ Korowii waa ta dɛ́ɛ tomɔ kasinteŋ ne bambile bwa ne, dɛ́ɛ lii wejena waa ɛa tɛ heya la.

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”