Josua 23:9 - mzwDBL

⁹ Korowii doŋi harɛre aa kana dɛ do kpeɡri nɛra le he sie, ba le fini bɛlbwa ta wone ba che he sie kpa.

Josua 23:9 Iomraidhean Croise

1 Koranar 21:26

O ɛ kii wa, teŋa waa teŋɛ voɡa ta kɛŋɔ Amɔre tena Korowii aa doŋ ba le ba harɛ ta dɛ kpɔ tɛ he Israel tena ɡɛ saŋ waa lawɛ heyaa le Ijipt harɛ ta la.

2 Webena 20:7

Henee Korowii yaa dɛ tomɛ. He doŋi nɛra ba fa aa soɡe harɛ nɔ ta le he nɛra Israel tena sie, dɛ kpɔ tɛ he dam Abraham naanar, o ɛ ba kon saŋ bɛlbwa dɛɛ la.

Kaala 23:23

N nyundua torome ɛɛ tɔ he siee, dɛ́ ba he ne Amɔre ne Hiti, ne Pɛrɛs ne Keenan ne Hivi, dɛ Jebus tena harɛ ta. Mɛɛ kpo ba bwaa harɛ la ta.

Kaala 23:30

Tama tamaa mɛɛ ba ba doŋa le he sie ka tel kɛŋɔ haa ba warɛ kohona, dɛ́ won kpɔ harɛ la.

We-ɛɛla 7:45

A ɡɛ Korowii Tɛnte Dea nɔ baa kpɔ tɔne baŋro nɔ baa di ya naawa nɔn ta saŋ bɛl. Ba ɡe naanaree serewa dɛ kpɔ tɛɛ ba. Ba ne Josua aa dɛ valɛ la bwa, dɛ ba cheɡɛ a ɡɛ debaŋre la tɔne. Baa dɛ kaa la bwa dɛ Korowii dɛ doŋi nɛra baa lɔ ba sie bwɛɛre la ta la asɛ baa so a ta. Gɛɛ dea la do ba be ka tel saŋ la Devid aa baa di kora la.

Mmarare 11:23

ate Korowii ɛɛ doŋi harɛre aa lɔ he sie la bwa nɛra baa wara dɛ do kpeɡri ɡwaa heyaa laanee ta, ásɛ he ka kpɔ ba harɛre la so.

Mmarare 7:24

Ba koranar ɡe la, wɛɛ kpɔ baa do he lɔɡa, ásɛ he kpoo ba le harɛ nɔ ta ba waa tonɛ. Nomɛlbwa aa won che he sie, hɛɛ chɔɡ ba bwaa.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 15:14

Kaleb doŋi Anak naanar baa soɡe bela la bwa le bwɛjen Hɛbrɔn la ta. Dɛ nɛmbele batoro baa ɛ Anak tenaa lɔ bela. Banee Sɛsae ne Ahiman dɛ Talmai tena.

Josua 23:5

Korowii haa dɛ tomɔ la ŋɔ wɛɛ ɡeloo he dɔma chwa le he sie. Wɛɛ doŋ baa tɔ sie, ásɛ he ka kpɔ ba harɛ la ɛ he kapɛrɛ kon. Korowii yaa dɛ tomɔ la ɛɛ teŋɛ nyobaɡa nɔ taa, dɛ́ doŋi harɛre nɛra ba taa ka o ta la.

Josua 23:8

Hé kpɔ he te pɛl Korowii haa dɛ tomɔ la kiŋkiŋ, ɡɛ haa ɛa dɛ ba le fini nɔ.

Josua 24:18

Onee doŋi harɛre nɛra bwa ya sie, ne Amɔre tena bwa ba fa aa soɡe harɛ nɔ ta la. Ya ɡee tomɔɔ, onee Korowii aa chɛ kɛŋɔ yá tomɛ.”