Josua 23:4 - mzwDBL

⁴ Hé na kɛŋɔ, n kpɔ harɛ aa kaa maa wola yoi lɛ la, ne anɔ la maa yoa lɛ la bwa tɛ he Israel deene kɛ á ɛ he kapɛrɛ kwa. Harɛ la le Jɔɔdan Moo wee leebɔr, dɛ kaa Mɛdetereenea Mpo ta wee cholibɔr.

Josua 23:4 Iomraidhean Croise

Yela 105:11

O ŋɔ, “He ne he naanaree mɛɛ ba Keenan harɛ kpɔe tɛ, ó ɛ he kapɛrɛ kon.”

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Kaala 23:30

Tama tamaa mɛɛ ba ba doŋa le he sie ka tel kɛŋɔ haa ba warɛ kohona, dɛ́ won kpɔ harɛ la.

Sefania 3:6

Korowii ŋɔ, “N chɔɡ harɛre bwa nɛra ne ba bwɛjena, dɛ kuuɡi danjwɛɛre baa maa bara, ne a dejaŋa bwa a berɛ dimɡbeeni. Bwɛjena la chɔ pɛɛ, nɛra toole a fɔɡbaahna, nomɛlbwa ta kae kpa.

Mmarare 12:29

Dɛ Korowii haa dɛ tomɔ nɔ chɔɡ harɛre haa dɛ la ka so a ta la nɛra dɛ ɡel he so a ta naa,

Josua 13:2

Harɛre aa kaa laanee Filisti ne Gesur harɛre,

Josua 18:10

Ate, o bil daa Korowii sie Silo bela tɛɛ ba, asɛ dɛ bɔne harɛ la tɛ Israel deene aa kaa la.

Sitɔɔla 2:21

maa harɛre nɛra Josua aa sewa ɡel ba laanee doŋi le ba harɛre ta tɛɛ ba kpa.