Josua 23:3 - mzwDBL

³ Hé ɡbabir na ɡɛ Korowii haa dɛ tomɔ la aa koh he waa dɛ ɛ harɛre nɛra ba fa aa soɡe bonɔ. Dɛ on Korowiirii yoa dɛɛ tɛ heya.

Josua 23:3 Iomraidhean Croise

Kaala 14:14

Korowiirii dɛ́ yo tɛ heya, hé te hel.”

Kaala 19:4

“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Malakae 1:5

Israel tena siwi ɛɛ na ɡɛ waa nɔɔ dɛ́ ŋɔ, “Korowii kan, hale dɛɛ di kpeɡri harɛfala aa bar Israel harɛ bwa!”

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Mmarare 20:4

Dɛkalkɛŋɔ he ne Korowii haa dɛ tomɔ nɔɔ dɛɛ kaa dɛ́ ka yoo ba, hɛɛ yoo le.’

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Mmarare 7:17

He bɛ dɛɛ bol kɛŋɔ, ‘Nɛra nɔ sii ya nɛ, ɛrɛɛ yaa ba ɛɛ dɛ́ won doŋ ba ɔ?’

Mmarare 7:24

Ba koranar ɡe la, wɛɛ kpɔ baa do he lɔɡa, ásɛ he kpoo ba le harɛ nɔ ta ba waa tonɛ. Nomɛlbwa aa won che he sie, hɛɛ chɔɡ ba bwaa.

Josua 10:14

Waa nɔ dɔŋa ta chiɡe saŋ bɛlbwa bwa, kɛɛ Korowii no nɛwɛnyini wesoŋa ken bwa. Kasinteŋ, dɛ Korowiirii fa yoa dɛɛ tɛ Israel tena.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Josua 23:10

He bini beŋkpoŋ ɛɛ won doŋi kɛɛ dɛ́ pɔ laa tena kaɡboŋ nɛ, dɛkalkɛŋɔ Korowii haa dɛ tomɔ laanee yoa dɛɛ tɛ heya, ɡɛ waa baɡɛ heyaa nyoa la.