Josua 22:8 - mzwDBL

⁸ dɛ ŋɔ ba be ŋɔ, “Hé dɔma laala haa paa laa ta la ɡelɔ he ɛ kondɔɔhna kohona. He dɔ kondɛɛra kohona, ne suuɡapoŋa ne suuɡaswɛm ne ayaawa ne bune, dɛ yale pirim. Hé kpɔ a bwa kaa, ásɛ he ne he bala la ka bɔne.”

Josua 22:8 Iomraidhean Croise

1 Webena 5:9

Harɛ la wee leebɔr, ba soɡo ka le pua hɛŋle ɡbo harɛ ta dɛ kaa Yufretis Moo ta, dɛkalkɛ dɛ ba kondɛɛra yao Gelead harɛ ta.

2 Webena 17:5

Korowii ɡelɔ o kora che kiŋkiŋ Juda harɛ, asɛ nɛra la bwa kpɔ koŋkɛɛla baa tɛo, a che a ta o dɔ kondɔɔh ne duure kohona.

2 Webena 32:27

Kooro Hɛsɛkea dɔ kondɔɔh ne jirima taeh, asɛ dɛ ma deene dɛɛ cheɡ suuɡapoŋa ne suuɡaswɛm, ne bwedɛɛɡa a yoɡ aa kpeɡa ne konsɔɔhsoma, ne kwaa baa kpɔa dɛɛ tɔ ba te ɡbemɡbe laa ta, dɛ kondɛɛɡa bwa soo siwi a bini.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Sɛɡla 3:16

O dɛ tɛ mkpajaŋ, dɛ berɛ dɛɛ tɛ kondɔɔh ne jirima.

Nɛra Kura 31:27

Ásɛ dɛ bɔne laa ta kwaa la tɛ banɔ la baa kaa yo la ne nɛra la bwa.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Hibru 11:26

O nyiŋi sihiih waa koh Kristo waa dɛ di la kɛŋɔ a wer o be dɛ ɡwaa kondɔɔhkwaa a fa aa lɔ Ijipt harɛ la, dɛkalkɛŋɔ dɛ o dɛ nyiŋi tɔpere la Korowii aa ba bɔ nɛra bwa kem la ŋwɛnɛ.

1 Samoɛl 30:16

O tɔ Devid ne o laa tena la sie ba la Amalɛk tena la be, dɛ ba lɔɔ peɡre harɛ la ta bobɛlbwa, dɛ di kwaa dɛ nyɔ sen dɛɛ lɛ ba sie, dɛkalkɛ dɛ ba pa laala aa wara laa la ta le Filisti ne Juda harɛ ta.

1 Samoɛl 30:24

Nomɛlbwa toole dɛ́ no he waa nɔ mun. Bɛl la waa soɡa dɛɛ daah laala, ne bɛl la waa la laa bwa chɛ kɛ he bwa bɔna kɛrɛdɛ.”