Josua 22:34 - mzwDBL

³⁴ Asɛ Rubin ne Gad deene tena ŋɔ, “Saraha kon nɔ ɛ danseɛ tɛ ya bwa kɛŋɔ Korowiirii ya dɔɔ.” Asɛ dɛ pa o sɔn “Danseɛ.”

Josua 22:34 Iomraidhean Croise

Mumpar 31:47

Laban pa bela sɔn Jeɡar Sahaduta, asɛ Jekɔb ɡe pa o sɔn Galiid.

Mumpar 31:48

Belaa Laban ŋɔ Jekɔb be ŋɔ, “Bwea nɔ aa darawe dɔŋa nɛɛ nɔɔ dɛ́ lii ya nɛra banɛ nɔ fɔo la.” A waa ba pa bela sɔn Galiid, o munii danseɛ bwea la.

1 Koranar 18:39

Nɛra la aa na ɡɛ la, ba cholo dɛ kpɔ sie piiɡi harɛ, dɛɛ dooɡe lɔŋɔre ŋɔ, “Korowiirii ya Dɔɔ! O ɡbosoroo chɛ toma!”

Aesaya 19:19

Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere.

Aesaya 43:10

Korowii ŋɔ, “Israel tena, heyaa n danseɛre, n le heyaa kɛŋɔ n bonɔɔna ásɛ he jem mɛ dɛ́ yarada mɛ dɛ́ no a mun kɛŋɔ n ɡboo lole. N sie, Dɔɔ bɛlbwa toole, á ba ɛ kɛŋɔ n habɔɔ bɛl ta dɛ ba bala.

Matiu 4:10

Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Josua 22:27

Akai! Ya mao kɛŋɔ ó ɛ ya ne heya ne ya naanar baa ka ba la danseɛ kɛŋɔ yaa tomɛ Korowii o Dea la ta, dɛ́ kpɔ saraha kwaa baa fuah ne kwaa baa kpoora ne sarahare dɛɛ ba o sie. Gɛ aa ɛ kerekere he naanar bɛ ba ŋɔ ya naanar ne Korowii toole wobɛlbwa bini.

Josua 24:27

Dɛ ŋɔ ba be ŋɔ, “Hé na, bwe nɔɔ ɛ ya bwa danseɛ, o no wobɛlbwa Korowii aa bol ya be. Wɛɛ ɛ danseɛɛ, dɛ he baa le habɔɔ ŋɔ haa Korowii tomɛ kpa aa, o le heyaa tɛ.”