Josua 22:27 - mzwDBL

²⁷ Akai! Ya mao kɛŋɔ ó ɛ ya ne heya ne ya naanar baa ka ba la danseɛ kɛŋɔ yaa tomɛ Korowii o Dea la ta, dɛ́ kpɔ saraha kwaa baa fuah ne kwaa baa kpoora ne sarahare dɛɛ ba o sie. Gɛ aa ɛ kerekere he naanar bɛ ba ŋɔ ya naanar ne Korowii toole wobɛlbwa bini.

Josua 22:27 Iomraidhean Croise

Mumpar 31:48

Belaa Laban ŋɔ Jekɔb be ŋɔ, “Bwea nɔ aa darawe dɔŋa nɛɛ nɔɔ dɛ́ lii ya nɛra banɛ nɔ fɔo la.” A waa ba pa bela sɔn Galiid, o munii danseɛ bwea la.

Mumpar 31:52

Bwea aa darawe dɔŋa nɛɛ nɔ ne onɔ maa kpɔa pa nɔɔ dɛɛ ba chɔe dɛ lii yaa. Maa bwea nɔɔ ɡale dɛ́ ba yoi, hé ɡe bɛ an ɡale dɛ́ ba yoo mɛ.

Yela 16:5

N Naa Korowii, henee n komɛlbwa, hen tɛ mɛ anɔ la maa dɛ nyin bwa, n kerekere waa bwa lɔ he nɔn ta.

Aesaya 19:19

Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Josua 22:10

Baa kaa tel Gelilɔt, Keenan harɛ waa lɔ Jɔɔdan Moo nyoa wee cholibɔr pera la, Rubin ne Gad dɛ Manasɛ dea pera deene ma kon baa ɛ saraha o ta tɛ Korowii cheɡ Jɔɔdan Moo nyoa bela, o kan dɛ do wer kɛrɛdɛ.

Josua 22:26

A waa ya ŋɔ, ‘Hé ɡel ya pa mun ma saraha kon, kɛ dɛ fuh kwaa dɛɛ ɛ saraha kɛɛ dɛɛ kpoo kwaa o ta waa laa.’

Josua 22:28

Asɛ ya ŋɔ, ‘Dɛ ba baa bɔɔ ya ne ya naanar aa, yaa ŋɔɔ, “Hé na kon baa dɛ ɛ saraha o ta dɛɛ tɛ Korowii ya naawa aa maa la siwi. Kwaa fuih kɛɛ kwaa kpoora o ta dɛɛ tɛ Korowii waa laa ba mao, kɛ o ɛ ya ne he baah danseɛ kon.” ’

Josua 22:34

Asɛ Rubin ne Gad deene tena ŋɔ, “Saraha kon nɔ ɛ danseɛ tɛ ya bwa kɛŋɔ Korowiirii ya dɔɔ.” Asɛ dɛ pa o sɔn “Danseɛ.”

Josua 24:27

Dɛ ŋɔ ba be ŋɔ, “Hé na, bwe nɔɔ ɛ ya bwa danseɛ, o no wobɛlbwa Korowii aa bol ya be. Wɛɛ ɛ danseɛɛ, dɛ he baa le habɔɔ ŋɔ haa Korowii tomɛ kpa aa, o le heyaa tɛ.”

1 Samoɛl 7:12

Ate, Samoɛl kpɔ bwe bɛl pa Mispa ne Sɛn baah ta. Dɛ pa o sɔn Ɛbɛneesa dɛ ŋɔ, “Bonɔɔ Korowii cha yaa ya ba tel.”