Josua 22:25 - mzwDBL

²⁵ Korowii kpɔ Jɔɔdan Moo ɛ ya ne he Rubin dea ne Gad dea jwɛh. He ne Korowii toole wobɛlbwa bini, ásɛ he naanar ba ɡel yá ɡel Korowii toma.

Josua 22:25 Iomraidhean Croise

2 Samoɛl 20:1

A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

1 Koranar 12:16

Nɛra baa ja Kooro Jɛroboam nɛ aa naa kɛŋɔ kooro la ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 15:30

Gɛ waa nɔ chiɡo dɛkalkɛ Kooro Jɛroboam ɛ wechɔɡa dɛ ɡel Israel tena ɡe ɛ wechɔɡa, dɛ muɡli Korowii Israel tena aa dɛ tomɔ la baah.

Nehemia 2:20

Asɛ n chaŋ ba ŋɔ, “Korowii Waa Dɛ Di Kora Nyundua ɛɛ ɡeloo wobɛlbwa kaa kɛrɛdɛ tɛ yaa. Yan yaa ɛ o bonɔɔnaa ɛɛ pa munii dɛɛ ma. Kɛ he te nɔn toole Jerusalam komɛlbwa ta. He toole o saŋ la waa ɡe ta.”

Yela 16:5

N Naa Korowii, henee n komɛlbwa, hen tɛ mɛ anɔ la maa dɛ nyin bwa, n kerekere waa bwa lɔ he nɔn ta.

We-ɛɛla 8:21

He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.

Josua 22:24

Ɔmaa ya ɔmɛ dɛ ɛ ɡɛ, dɛkalkɛ kerekere he naanar ɛɛ ba bɔɔ ya naanaree ŋɔ, ‘Bɔkwa waa binii he ne Korowii Israel tena aa dɛ tomɔ doɔ?’

Josua 22:26

A waa ya ŋɔ, ‘Hé ɡel ya pa mun ma saraha kon, kɛ dɛ fuh kwaa dɛɛ ɛ saraha kɛɛ dɛɛ kpoo kwaa o ta waa laa.’

Josua 22:27

Akai! Ya mao kɛŋɔ ó ɛ ya ne heya ne ya naanar baa ka ba la danseɛ kɛŋɔ yaa tomɛ Korowii o Dea la ta, dɛ́ kpɔ saraha kwaa baa fuah ne kwaa baa kpoora ne sarahare dɛɛ ba o sie. Gɛ aa ɛ kerekere he naanar bɛ ba ŋɔ ya naanar ne Korowii toole wobɛlbwa bini.

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.