Josua 22:24 - mzwDBL

²⁴ Ɔmaa ya ɔmɛ dɛ ɛ ɡɛ, dɛkalkɛ kerekere he naanar ɛɛ ba bɔɔ ya naanaree ŋɔ, ‘Bɔkwa waa binii he ne Korowii Israel tena aa dɛ tomɔ doɔ?’

Josua 22:24 Iomraidhean Croise

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Mumpar 30:33

A ba ɡɛ naa, kerekere hɛɛ won jemɛ kɛŋɔ n ɛ nɛndɛɛɡe. Tɔpebɛl haa ba ŋɔ he nyiŋi n toma ɛɛ bini la, pebie bɛlbwa waa wola ombiŋi ɛɛ ne bombiire aa wola lɛɡrɛ kɛɛ dɛ peeɡe koo n kwaa ta naa, amɔ jemɛ kɛ dɛ ŋwɛɛ n ŋwɛ.”

Kaala 13:14

Tɔpebɛl dɛ he bibaa bɔɔre ŋɔ ɛrɛɛ ɡɛ waa nɔ ɛɛ chaɡle aa, he ŋɔ, ‘Korowii kpeɡri ne o bokpeɡaa o kpɔ lawɛ yaa le somanjiri dii ta Ijipt harɛ.

Mmarare 6:20

Kerekere dɛ he naanar bɔɔ heyaa ŋɔ, ‘Bɔkwa waa Korowii yaa dɛ tomɔ ŋɔ yaa teŋɛ Mmarare nɔ ta nɔɔ?’

Josua 22:23

Dɛ ya ɛo deŋnekpeɡ, dɛ ma ya ɡbaɡba saraha kon dɛɛ fuh kwaa o ta, kɛɛ dɛɛ ɛ mea saraha kɛɛ deŋnesɔɔhna saraha o ta naa, Korowii ɡbaɡba tɛr ya deŋne.

Josua 22:25

Korowii kpɔ Jɔɔdan Moo ɛ ya ne he Rubin dea ne Gad dea jwɛh. He ne Korowii toole wobɛlbwa bini, ásɛ he naanar ba ɡel yá ɡel Korowii toma.

Josua 4:6

Bwea nɔɔ dɛ́ lii heya waa Korowii aa ɛa tɛ heya. Dɛ kerekere he bii ba dɛ bɔɔ ɡɛ bwea la aa cheɡa tɛ aa,