Josua 22:23 - mzwDBL

²³ Dɛ ya ɛo deŋnekpeɡ, dɛ ma ya ɡbaɡba saraha kon dɛɛ fuh kwaa o ta, kɛɛ dɛɛ ɛ mea saraha kɛɛ deŋnesɔɔhna saraha o ta naa, Korowii ɡbaɡba tɛr ya deŋne.

Josua 22:23 Iomraidhean Croise

Mumpar 9:4

Kɛ he bɛ konlale di, dɛkalkɛ o sewɔ ta baŋa. Komɛlbwa mkpa lɔ o chal ta.

2 Webena 24:22

Kooro Joas soh ɡɛ Sekaria mɛɛ sɔfo Jehoiada aa chao la, dɛ ɡarɛ kpo Sekaria. Waa chɔa dɛɛ sewɛ la o ŋɔ, “N dɛ soŋe kɛ Korowii na waa haa ɛa nɔ, dɛ́ bɔe a kem!”

Ɛsekeɛl 3:18

Dɛ n ŋɔ wechɔɡ-ɛɛ be ŋɔ wɛɛ sewɛ o wechɔɡa taa, dɛ he ta on kaeh, o ɡel o wechɔɡa la dɛ dɔ o nyu aa, wɛɛ sewɛ o wechɔɡa taa. Ate, mɛɛ pɛɛre a waa.

Ɛsekeɛl 33:6

Dɛ nɛn waa dɛ daah harɛ la na dɔma bala o ta bɛla la hoɛh nɛra la jemɛ, asɛ dɔma la ba kpo ba bini bɛlbwa naa, naate baa kpoo la sewɛ o wechɔɡa wa, kɛ mɛɛ pɛɛ naate waa sewa la chal waa le nɛn waa dɛ daah bɔr la be.

Ɛsekeɛl 33:8

N ŋɔ wechɔɡ-ɛɛ be ŋɔ wɛɛ sewɔɔ, asɛ he ta on kaeh o le o wechɔɡa ta, dɛ sewɛ a ta naa, mɛɛ pɛɛ o chal waa le he be.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 18:19

Dɛ a balɔ kɛŋɔ nomɛl ta n waa waa cheɡɛ n sɔn ta dɛ bol ta teŋaa, naate deŋnee mɛɛ ba tɛra.

Josua 22:24

Ɔmaa ya ɔmɛ dɛ ɛ ɡɛ, dɛkalkɛ kerekere he naanar ɛɛ ba bɔɔ ya naanaree ŋɔ, ‘Bɔkwa waa binii he ne Korowii Israel tena aa dɛ tomɔ doɔ?’

1 Samoɛl 20:16

Bɛ ɡel fɔo n ne haa fɔwa la chɔɡ. A ba ɡɛ naa Korowii ɛɛ tɛr he deŋnee.”