Josua 22:18 - mzwDBL

¹⁸ He laa sie dɛɛ kpɔ Korowii nɛɛ taraken ja aa? He vɛoh fini naa, kere o baah ɛɛ di Israel tena bwa nɛɛ.

Josua 22:18 Iomraidhean Croise

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

1 Koranar 9:6

Kɛ dɛ he ne he nɛra berɛ habɔɔ kpo mɛ, dɛ vɛh me Mmarare ta teŋa, dɛ kaa tomɛ voɡa ane dɛɛ ɡuŋa aa,

2 Koranar 17:21

Korowii aa pere Israel harɛ waa lɔ weekaŋle nyunduabɔr le Juda harɛ waa lɔ weekaŋle harɛbɔr nɛɛ la, Israel tena kpɔ Nɛbat bibaa Kooro Jɛroboam ɛ ba kooro. Kooro Jɛroboam ɡelɔ ba ɡel Korowii toma, a ɡel ba ɛ wechɔɡa kohona.

1 Webena 21:1

Bɔnsam dɛ nyin Israel tena na wa, dɛ ɡel Kooro Devid dɔ liire kɛŋɔ a chɛ kɛ ó kure Israel tena.

1 Webena 21:14

Anomanta, Korowii kpɔ weechɔɡa ba ta Israel harɛ ta, asɛ baala kaɡboŋa fifraanuanɛ serewe.

2 Webena 25:27

Le ɡɛ saŋ Kooro Amasea aa vɛh Korowii toma la, dɛ ba dɛ vɔrɔwe o kpoe vɔrɔwa Jerusalam. Anomanta, o chwao kaa bwɛjen Lakes ta, asɛ ba tomɛ nɛra ba teŋɛ la, dɛ ka kpoo bela.

2 Webena 34:33

Kooro Josia ɡelɔ ba le voɡa Korowii aa kia bwa ne Israel harɛ bwa ta, asɛ dɛ ɡel nɛra baa soɡe bela bwa tomɛ Korowii. Waa soɡe le la, o ta ɡelɛ ba vɛh Korowii ba naawa fa aa tomɔ la toma bwa.

Lewi Dea Tena 10:6

Belaa o ŋɔ Arɔn ne o bibaala Eliasa ne Itama be ŋɔ, “He bɛ he batakaani kɛɛ á baɡle kɛŋɔ he dɛ ɛ lwe. Hé lee he nyuune. He ɛ ɡɛ naa, hɛɛ serewoo ásɛ Korowii baah di nɛra nɔ bwa nɛ. Kɛ he lolanar ne Israel tena te bwa dɔ ŋwɛnɛ kɛŋɔ ba ɛ lwe, nii Korowii aa ɡela a ba kpoo ɡɛ nɛra nɔ wa.

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 32:15

Dɛ he berɛ habɔɔ kpoo waa, wɛɛ ɡel baa ta pua hɛŋle ɡbo harɛ nɔ taa ja, dɛ heyaa ɡela o chɔɡ ba ta la.”

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.

Josua 22:15

Asɛ ba la Gelead harɛ ta bela Rubin ne Gad deene, dɛ Manasɛ dea pera la be ka ŋɔ,

Josua 22:16

“Ya cheɡɛ Korowii nɛra naa ta dɛɛ bɔɔ heya kɛŋɔ, Ɛrɛɛ he ɛ Korowii Israel tena aa dɛ tomɔ wechɔɡa aa do ken nɔɔ? Ɛrɛɛ hɛɛ ba wona le o habɔɔ dɛ́ ka ma kon baa dɛ ɛ saraha o ta tɛ he te nɔ? He vɛh o nɛɛ teŋa.

Josua 22:20

Hé lii ɡɛ saŋ Sɛra bibaa Akan aa ɛ deŋnekpeɡ kwaa baa lea cheɡ tɛ Korowii la wa. Korowii baah ta Israel tena bwa nɛɛ dii o tɛr ba deŋne aa? Akan ɡbo laa sewa o wechɔɡa wa.”

Josua 7:1

Israel tena la ɛ deŋnekpeɡ, dɛ kpɔ kwaa baa lea cheɡ tɛ Korowii waa ŋɔa ba bɛ kpɔ la ta. Baa bɛl baa dɛ yerɔ Akan, o mɛɛ sɔne Kaami. Kaami ɡe mɛɛ sɔne Simri, asɛ o nabaa sɔne Sɛra, o le Juda dea. A ɡɛ Akan nɔɔ kpɔ kwaa baa lea cheɡ tɛ Korowii waa ŋɔa ba bɛ kpɔ la, asɛ a che a ta Korowii baah di ba nɛɛ kohona la.

Josua 7:11

Israel tena ɛ wechɔɡa, ba chɔɡ n ne ba fɔo yaa fɔwa n do ba ŋɔ baa teŋɛ a ta la ta. Ba kpɔ kwaa maa ŋɔa ba le cheɡ tɛ mɛ la ane. Ba ŋwɛa dɛ teŋe nyosone, dɛ paa ja ba laala ta.

Josua 7:21

Laa la ta la, n na batakaaredɛɛɡe bɛl Babelɔn tena aa sɔɔh, suuɡapoŋa lafraanɛ ne suuɡaswɛm bwe o tɔɡre aa ɛ suuɡapoŋa fifraanue del, asɛ n pɛla lawa kohona n kpɔ. N kpɔ suuɡaswɛm la ne batakaare la ka huɡe harɛ n tɛnte dea bini, asɛ suuɡapoŋa la do mun ta.”

1 Samoɛl 12:14

Dɛ he dɛ ɔmɛ Korowii dɛɛ tomɔ dɛɛ teŋɛ o Mmarare ta, hale he ne he kooro bwa naa, he wobɛlbwa ɛɛ do werii tɛ heya.

1 Samoɛl 12:20

Samoɛl ŋɔ, “A lole kɛŋɔ he ɛ wechɔɡa nɔ bwa te, kɛ hɛɛ berɛ ɔma, he bɛ habɔɔ berɛ kpo Korowii, hɛ́ɛ tomɔ bambile bwa ne.