Josua 21:45 - mzwDBL

⁴⁵ Korowii ta nyoa waa baɡɛ Israel tena la bɛlbwa tae, o teŋɛ a bwa ta.

Josua 21:45 Iomraidhean Croise

1 Koranar 8:15

Asɛ o ŋɔ, “Hé kpɛɛ Korowii ya Israel tena aa dɛ tomɔ! O teŋɛ nyoa waa baɡɛ n mɛɛ Kooro Devid la ta dɛ ŋɔ,

1 Koranar 8:20

Ate, Kooro Solomɔn ŋɔ, “Korowii teŋɛ o nyobaɡa ta. N baa chiɡ n mɛɛ Kooro Devid naa ta, dɛ berɛ ɛ Israel kooro. N do Dea Korowii yaa dɛ tomɔ la sɔn ta, ya Israel tena ɛɛ tomɔ o bini.

1 Koranar 8:24

He teŋɛ nyoa haa baɡɛ n mɛɛ Kooro Devid la ta, he ɡelɔ wobɛlbwa ɛ ɡɛ fini.

1 Koranar 8:56

“Hé ɡel ya kpɛɛ Korowii kɛŋɔ waa ɡela o nɛra Israel tena dɔ deŋnesɔɔhna ɡɛ waa baɡɛ yaa nyoa la. Wedɛɛɡa waa cheɡɛ o bonɔɔ Mosis nɛɛ dɛ kpɔ baɡɛ yaa nyoa la, o ta o wobɛlbwa waa bola vɛɛh.

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

Aesaya 48:3

Fini laa n le dɛ bol waa aa ɛa. N bola biɡri asɛ he jemɛ, buɡ la taa n den ɡel a ɛ.

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

1 Kɔrent 1:9

Korowii ɛ kasinteŋ te. Onee le heyaa ŋɔ hé ne o Bie la do som. O Bie laanee ya Dɔɔ Yeesu Kristo la.

1 Tesalonika 5:24

Korowii waa le heyaa he ba ɛ o bii la, o ɛ kasinteŋ te. Onee dɛɛ ba heyaa nɛndɛɛɡa ɛɛ.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

1 Samoɛl 3:19

Korowii ja Samoɛl nɛ o ba kpeɡ, dɛ ɡel o wobɛlbwa ɡe waa dɛ bol la ɛ kasinteŋ.