Josua 21:44 - mzwDBL

⁴⁴ Korowii ɡelɔ ba dɔ deŋnesɔɔhna ɡɛ waa baɡɛ ba naawa nyoa la. Ba dɔma bɛlbwa ta wone che ba sie, dɛkalkɛŋɔ Korowii cha ba ba won dɛɛ pɔ ba dɔma bwa nɛ.

Josua 21:44 Iomraidhean Croise

2 Webena 13:16

Israel laa tena chwao le Juda tena la be, asɛ Korowii kpɔ ba do Juda tena nɔn ta.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Kaala 33:14

Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.”

Aesaya 63:14

Gɛ ba yon teɡɛ nae kaa deŋɡarere dor harɛ waa chɔa kaa ta a yon ka onɛ la, ɡɛɛ Korowii tɛ o nɛra ona. O tɔ o nɛra sie o sɔn dɔ jirima.

Mmarare 2:36

Korowii yaa dɛ tomɔ laa nɔn kpɔ ba nɛɛ tɛ yaa, le bwɛɛ Arowa waa chɔ Aanɔn Fɛlembɔjen la doa, dɛ berɛ kpɔ bwɛɛ bɛl waa chɔ o bini, hale dɛ kaa bwɛɛ Gelead, bɛlbwa ta wone dɔ kpeɡri kɛ yan.

Mmarare 21:10

Anee Mosis berɛ ŋɔ, “Dɛ he ne he dɔma cheme laa ta, asɛ Korowii haa dɛ tomɔ nɔ kpɔ ba do he nɔn ta asɛ he laɡ ba yoma aa,

Hibru 4:9

He nyiŋo na naa, ona Korowii aa kwaara cheɡ o nɛra la ta lole bá ba onɛ, kɛŋɔ Korowii aa Ona Tɔpenuanɛ wee la ta la.

Josua 1:13

“He bɛ soh kɛŋɔ Korowii bonɔɔ Mosis fa aa ŋɔ he be ŋɔ, ‘Korowii haa dɛ tomɔ la aa ŋɔa wɛɛ kpɔ harɛ waa chɔ Jɔɔdan Moo wee leebɔree tɛ heyaa he so o ta la.’

Josua 1:15

dɛ́ ka tel kɛŋɔ Korowii aa ɡela ba bwara sɔɔh ba ɡɛ waa ɛa tɛ heyaa la, ka tel kɛŋɔ ba ɡe aa kaa dɔ harɛ Korowii haa dɛ tomɔ aa kpɔa tɛɛ baa la. Mɔɔ he berɛ kaa he ɡbaɡba harɛ Korowii bonɔɔ Mosis aa kpɔa tɛ heyaa o do Jɔɔdan Moo wee leebɔr la ta.”

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 11:12

Josua yo a ɡɛ bwɛjena nɔ bwa ne a koranar, dɛ kpo nɛra baa lɔ a ta bwa, ɡɛ Korowii bonɔɔ Mosis aa doo la.

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 22:4

Gɛ Korowii haa dɛ tomɔ aa ɡela he bala la dɔ bosɔɔhna ɡɛ waa baɡɛ nyoa la nomanta, hé berɛ kaa harɛre Korowii bonɔɔ Mosis aa kpɔa tɛ heyaa Jɔɔdan Moo wee leebɔr la ta.

Josua 22:9

Asɛ Rubin ne Gad deene, dɛ Manasɛ dea pera tena la le bela bane Israel tena laa soɡa bwɛjen Silo, o lɔ Keenan harɛ ta, dɛ laa berɛ ba kaa ba ɡbaɡba harɛ ta Gelead, ɡɛ Korowii aa cheɡɛ Mosis nɛɛ dɛ do ba la.

Josua 23:1

Korowii baa ɡel Israel tena dɔ ba te ba dɔma nɔn ta biɡri, dɛ Josua hwɛɛhrɔ kɛrɛdɛ,