Josua 2:9 - mzwDBL

⁹ dɛ ŋɔ ba be ŋɔ, “N nao kɛŋɔ Korowii kpɔ ya harɛ nɔ tɛ heya, a ɡelɔ ɔmee kohona lawɛ yaa he wa. Nomɛlbwa waa lɔ harɛ nɔ ta no he wa aa, dɛ o bwara yɔrɔ.

Josua 2:9 Iomraidhean Croise

Mumpar 35:5

Jekɔb ne o bii aa dɛ ba bela ira la, Korowii ɡelɔ ɔmee kohona chole nɛra baa lɔ bwɛɛre aa bɛne bela tena bwa nɛ ba ta wone ti ba dɛ ɛɛ ba wobɛlbwa.

2 Samoɛl 17:10

Hale banyoola baa do ɔma kɛŋɔ nyujente ɡba la dɛ ɔmɔ, dɛkalkɛ nomɛlbwa waa lɔ Israel harɛ ta jemɔ kɛ he mɛɛ ɛ banyoo tenten, o laa tena ɡe do kpeɡri.

2 Koranar 5:15

Naaman ne o bonɔɔna la bwa berɔ ba Korowii keame Elaesa be, asɛ Naaman ka che o sie dɛ ŋɔ, “N nao kɛŋɔ Korowii bɛlbwa toole harɛ nɔ ta bobɛlbwa ka ja Israel harɛ ta. N dɔɔ, n poori lɛ koŋkɛɛla he bonɔɔ aa ba a ne ba tɛɛ nɔ.”

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

Nehemia 6:16

Ya dɔma aa no waa nɔ la, harɛre nɛra baa soɡa bar yaa la ɔmɔ, ba liire bwa chɔɡ, dɛkalkɛ bɛlbwa nao kɛŋɔ, Korowii yaa dɛ tomɔ laanee cha yaa yá won tonɛ toma la bwa.

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.

Job Tɔn 19:25

N jemɔ kɛŋɔ n Lɛɛ lole, waa bwa jaɡa saŋ la, wɛɛ ba harɛ nɔ taa, dɛ́ ba bol n waa tɛ mɛ.

Yela 112:10

Nyubinikpeɡ tena ɛɛ nao ba baah di kohona, ásɛ ba liire chɔɡ ba che dɛɛ nyiŋi ba hwɛɡa ta pɛɛ.

Yela 115:16

Korowii kpɔ nyundua ɛ o dobɔr, dɛ kpɔ harɛ nɔ tɛ ya nɛwɛnyina.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Kaala 23:27

Mɛɛ ɡeloo ɔmee kohona chole he dɔma nɛ, ásɛ harɛ bɛlbwa ta tena haa ka chem ba bwa wili. Mɛɛ ɡeloo he dɔma bwa berɛ habɔɔ, dɛ́ chwa kaa.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 23:5

Dɛ Ijipt tena noɔ kɛŋɔ bwɛjen Taaya paɡraa, ba bwara ɛɛ yɔroo ba wi tɛɛ ba.

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Nɛra Kura 20:14

Kades belaa Mosis tomɛ toroma Edom kooro be ŋɔ, “He lolanar Israel tenaa yaa, he jemɛ ya wenaale yaa lɔ a ta wubwa la.

Nɛra Kura 20:24

“Arɔn ɛɛ sewɔɔ ka pu o naawa. Waa harɛ maa baɡɛ Israel tena nyoa la taa tel. He nɛra banɛ nɔ ɛ lwɛmkpeɡ waa maa do heyaa a ta Mɛreba la.

Matiu 20:15

N ta ŋwɛnɛ dɔe kɛ ń kpɔ n ɡbaɡba suuɡa ɛ ɡɛ aa too n tea a? Kɛɛ ɡɛ maa ta tea dɛ ɛ laanee dɛɛ we he nɛ?’ ”

Mmarare 11:25

Nomɛlbwa toole dɛ́ won che he sie. Korowii ɛɛ ɡeloo bobɛlbwa haa kpɔ la nɛra ɛɛ ɔmɛ heyaa kohona, ásɛ a ka ɡɛ, ɡɛ waa baɡɛ nyoa la.

Mmarare 2:25

Fini tɔpere nɔ, mɛɛ pa munii dɛ́ ɡel harɛre bwa nɛra baa no he waa la ɛɛ ɔmɛ kohona, dɛ́ kpɔ ɔmee ne bochela ta ba nɛ.’

Mmarare 28:10

A ba ɡɛ naa, harɛ nɔ ta nɛra bwa ɛɛ jemɔɔ kɛŋɔ Korowii le heyaa kɛŋɔ o ɡbaɡba nɛraa heya, ásɛ dɛ ɔmɛ heya.

Mmarare 32:8

Nemenɛ Korowiirii tɛ harɛre nɛra ba harɛre. Onee nyiŋa dɛ jemɛ bela Israel tena aa so, dɛ tɛ harɛ bɛlbwa nyundua torome wɛɛ daah ba.

Hibru 11:31

Korowiirii hanjwamane Rahab yarada waa o lɛ Israel tena baa baa nyiŋi ba bwɛɛ la sɔh kɛrɛdɛ, Israel tena aa wola on kpoe ja nɛra baa wola Korowii waa noɛ la nɛ.

Josua 2:11

Yaa no ɡɛ la, ya jum jaoh ya bambile chɔɡ ɡɛ haa ɛa la wa. Dɛkalkɛŋɔ Korowii haa dɛ tomɔ laanee nyundua ne harɛ bwa kooro.

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 2:8

Mɔɔ Israel baala la ka chɔ jwaana la, Rahab teehnɔ la ba be dea la doa,

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Josua 6:2

Korowii ŋɔ Josua be ŋɔ, “N kpɔ bwɛjen Jeriko ne o kooro ne o laa tena bwa do he nɔn ta.

Josua 9:10

ne ɡɛ waa ɛ Amɔre tena koranar banɛ bane Jɔɔdan Moo la wee leebɔr. Kooro Sihon o fa aa soɡe bwɛjen Hɛsbɔn, ne Kooro Ɔɡ o ɡe fa aa ɛ kooro Basan harɛ ta, dɛ so bwɛjen Astarɔt ta.

Josua 9:24

Asɛ Gebeɔn tena la ŋɔ Josua be ŋɔ, “Nomoa, yan yaa ɛ he bonɔɔna, ya noɔ kɛŋɔ Korowii aa do o bonɔɔ Mosis ŋɔ ó kpɔ harɛ nɔ bwa tɛ he Israel tena, ásɛ dɛ kpoo nɛra baa soɡe o ta bwa le he sie nomanta, ɔmee lawɛ yaa ɡɛ yaa ɛ dɛ́ dɔ ya nyu, a waa ya ɛ ɡɛ la.

Josua 9:9

Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,

Sitɔɔla 7:14

Asɛ o dɔŋ la chaŋo ŋɔ, “Waa aa dɛ baɡle bwaa kɛŋɔ Joas bibaa Gedeɔn waa ɛ Israel te dɛ́ ba ba yo yaa. Korowii kpɔ ya Midian tena ne nɛra baa bala dɛ́ ba cha yaa la bwa do o nɔn ta.”