Josua 2:7 - mzwDBL

⁷ Ate, kooro nɛra la le bwɛɛ la ta dɛ chiɡ leebɔɔ baa cheɡɛ o ta dɛɛ le Jɔɔdan Moo la, dɛ ti ba kaa ɡaaɡe ba bɔr. Ba den laa bwɛjen la doonyoa laa tɔ.

Josua 2:7 Iomraidhean Croise

We-ɛɛla 5:23

“Yaa la bela dɛ koŋkarɛre baa kpɔa karɛ ɡbeni la ta lɔ a ta, dɛ nɛra baa dɛ nyiŋi doonyoone la ta la ɡe cheɡɛ bela. Kɛ yaa ya ɡbeni la la, ya ta nomɛlbwa nae dea la bini!”

Josua 2:5

Wee aa dɛ ba joe baa ba bwɛjen doonyojen la tɔe la, ba leɔ kaa, n ta bela baa chaɡa nae. Amɔ aa do ɡɛ nɔ hé ti ba warane, he ken ɛɛ puu baa.”

Josua 2:6

Dɛ o kpɔ ba sɔh saldoa yabi daa lɔɡa.

Josua 2:8

Mɔɔ Israel baala la ka chɔ jwaana la, Rahab teehnɔ la ba be dea la doa,

Sitɔɔla 12:5

Gelead tena kaa teŋe leebɔɔne baa cheɡɛ a ta dɛ ɡale Jɔɔdan Moo dɛɛ kaa Efrem harɛ ta la. Dɛ nomɛlbwa chwao le laa la ta dɛ ba tel bela aa, ɡɛɛ ba bɔɔro ŋɔ, “Efrem dea tee hen aa?” Dɛ o ŋɔ, “Ɔɔhɔh” naa,

Sitɔɔla 3:28

O do ba ŋɔ, “Hé teŋɛ n nɛ, Korowii ɛɛ lɛ heyaa le Moab tena baa ɛ he dɔma nɔn taa.” Anomanta, ba teŋɛ Ehud nɛɛ dɛ kaa bɔra baa kpɔ a ta dɛɛ ɡale Jɔɔdan Moo dɛ kaa Moab harɛ ta la dɛ ka tɔɔɡa. Ba ta ɡelɛ nomɛlbwa ɡale moo la.