Josua 2:24 - mzwDBL

²⁴ Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 2:24 Iomraidhean Croise

Kaala 15:15

Ɔmee ɛɛ lawɛ Edom koranaree kohona, Moab nomonome bwara yɔr baa chel, Keenan tena ɡe bwa ɛɛ heo kwara.

Kaala 23:31

Mɛɛ ɡeloo he jwɛh le Mposwɛm la ta ka le Mɛdetereenea Mpo ta, dɛ́ kpɔ ka le pua hɛŋle ɡbo harɛ ta, dɛ́ kaa Yufretis Moo la ta. Mɛɛ kpɔ nɛra baa soɡe harɛ la ta bela laanee do he nɔn ta, ásɛ he doŋ ba le he sie.

Sɛɡla 25:13

Torome baa tomɔ o la dɛ baa bol kasinteŋ nɛn waa tomɔ be la, do kɛŋɔ nee aa dɛ sɔɔh baah, kwaa koma saŋ bɔr aa wɔba la ken.

Josua 1:8

Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.

Josua 2:23

Ate, nɛra baa sɔah dɛ ka nyiŋi harɛ la le deŋɡarere la ta, dɛ ka ɛɡɛ Jɔɔdan Moo le, dɛ kaa bela baa lea. Baa laŋa la, ba kaa bol Josua be waa baa kaa na bwa.

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Josua 6:2

Korowii ŋɔ Josua be ŋɔ, “N kpɔ bwɛjen Jeriko ne o kooro ne o laa tena bwa do he nɔn ta.

Josua 8:1

Korowii berɔ ŋɔ Josua be ŋɔ, “Dɛɛ berɛ ɔma, bɛ ɡel he bwara yɔr. Kpɔ he laa tena bwa dɛ́ ka pu Ai tena yo. N kpɔ ba kooro ne o nɛra ne bwɛjen la dɛ harɛ la bwa do he nɔn ta.

Sitɔɔla 1:2

Anee Korowii chaŋe ŋɔ, “Juda dea tenaa dɛ́ tɔ sie mɔɔ. Banee mɛɛ ba harɛ la kpeɡri kpɔe do ba nɔn ta.”

Sitɔɔla 18:10

Hé laŋaa, hɛɛ pu nɛra baa wola lii kɛŋɔ waane ɛɛ pu baa. Harɛ la kan. Korowii kpɔɔ do he nɔn ta. Komɛlbwa ta o ta nyae.”

Sitɔɔla 7:9

Awola jwaana la, Korowii ŋɔ Gedeɔn be ŋɔ, “Ir dɛ́ kaa Midian tena sobɔr bela ka yoo ba. N dɛ ba ba kpɔe do he nɔn ta.