Josua 2:19 - mzwDBL

¹⁹ Ba bini bɛlbwa le he dem bonɔ kaa laa, dɛ o ɡbabirii ɛ o nyu dɛ nyin o seo, dɛ ya be laa a le. Kɛ dɛ bɛlbwa ta lɔ dem bela asɛ waane ɛo waa, dɛ ya bee a le.”

Josua 2:19 Iomraidhean Croise

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

2 Samoɛl 4:11

Ɛrɛɛ mɛɛ ba nɛn waa wola wechɔɡa bɛlbwa ɛɛ dɛ chɔ o dea mpa ta nyubinikpeɡ tena ka kpoo waa bola ɔ? A ta chɛ kɛ o seo ɡure he nyu ta ń kpoo heyaa bɔ kem le harɛ nɔ ta naa?”

1 Koranar 2:32

Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

Kaala 12:13

Chal haa kpɔ ɛ he doonyoo laanee dɛ́ baɡle deene haa soɡe a bini. N teŋo baa kaa dɛ na chal laa, maa heyaa wobɛlbwaa ɛ, mɛɛ ɡale heyaa ta, ásɛ dɛ jo Ijipt tena la deremi dɛ́ tɛr ba deŋne.

Kaala 12:22

Hé kpɔ hesɔp daa li ola la chal ta loɡbaa bini ɛ he doonyoo keŋkeŋna ne a nyundua daa la ta. He bini bɛlbwa bɛ buse le ka tel kɛ tɔɔ aa pera chɔɔ mɔɔ.

Kaala 12:23

Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.

Lewi Dea Tena 20:11

Nomɛlbwa waa lawɛ o mɛɛ haah o ne o chɔ la lawɛ o mɛɛ sie teɡɛ harɛ. Baa la ne haah la bwa chɛ kpoe. Ba sewɔ ɡe aa, ba wechɔɡa ɡure ba nyu ta.

Lewi Dea Tena 20:9

Nomɛlbwa waa taah o mɛɛ kɛɛ o nya la chɛ kɛ bá kpoo. Naate wechɔɡa ɡure o nyu ta.

Matiu 24:17

Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa.

We-ɛɛla 18:6

Dɛ nɛra la dɛ nyin Pɔɔl toma chɔɡa, dɛɛ ɛo nɛnhɛla. Anomanta, o jwii o laala doŋa ta dɛ baɡle kɛ o baɡ ba Korowii waa asɛ ba vɛah, dɛ ŋɔ ba be ŋɔ, “Dɛ he nyoɡraa, nɛn laa ɛ heya, he ɡbaɡbaa ɛ he nyu. Le fini dɛɛ kaa, nɛra baa wola Juu tena ɛɛ mɛɛ ba Korowii waa baɡla. Maa he bee ba kpa.”

We-ɛɛla 20:26

Mɛɛ di heyaa kasinteŋii fini. He bɛlbwa baa nyoɡre Korowii ŋwɛnɛ aa, n laa ɛ waane,

We-ɛɛla 27:31

Belaa Pɔɔl ŋɔ soojanomoa la ne soojare la be ŋɔ, “Dɛ stiimae tom-ɛɛra nɔ ta o bini soɡaa, he bɛlbwa aa he nyuu dɔ.”

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Josua 2:12

Rahab berɔ ŋɔ ba be ŋɔ, bá ŋwɛɛ Korowii kɛŋɔ dɛ ba dɛ ba dɛ́ ba yo Jeriko tena aa, baa na o ne o lolanar sumii ɡɛ waa na ba sum la. Dɛ ŋɔ ba ɛ we-ɛɛle bɛl ásɛ o na dɛ́ yarada kɛŋɔ

Josua 2:14

Anee nɛra la baɡɔ nyoa ŋɔ, “Dɛ ya ta waa yaa bola la ta teŋaa, Korowii kpoo yaa. Dɛ he ta yaa leɛ tɛ tenaa, ya ɡee nyiŋuu dɛ bɛ ɡel bá kpo he ne he nɛn bɛlbwa awola Korowii aa kpɔ he harɛ nɔ do ya nɔn ta la.”

Josua 2:20

Nɛra la berɔ ŋɔ Rahab be ŋɔ, “Dɛ he le yaa tɛ tenaa, amɔ te fɔo haa ɡela ya ne he fɔwɛ la aa won ɛ toma kpa.”