Josua 2:1 - mzwDBL

¹ Dɛ Israel tena la bwa cheme bobɛl baa dɛ yerɔ Sitim dɛ so bela. Asɛ Josua sɔh dɛ le ba bini baala banɛ dɛ tom ba ŋɔ, “Hé ka sɔh nyiŋi Keenan harɛ dɛ́ na ɡɛ waa doa, bwɛjen Jeriko te fanfa.” Asɛ ba sɔh dɛ la bela, dɛ ka choɡ hanjwamane Rahab.

Josua 2:1 Iomraidhean Croise

Mumpar 42:16

Hé ɡel he bini bɛl la ka kpɔ he nime la ba, ásɛ ba do he kar ɡe dea ka tel kɛŋɔ yaa na waa haa bola nɔ kasinteŋ. Dɛ ɡɛ laa tenaa, n ŋwɛɛ kooro kɛŋɔ he ɛ nɛra haa dɛ ba ba sɔh nyiŋi harɛ nɔ.”

Mumpar 42:9

Belaa o lii deera o fa aa dee ba la wa, dɛ ŋɔ ba be ŋɔ, “He balɔ dɛ́ ba sɔh nyiŋi ya harɛ nɔ dɛ́ na kɛ ya chɔ pɛɛ.”

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Nɛra Kura 13:1

Korowii ŋɔ Mosis be ŋɔ,

Nɛra Kura 13:2

“Le baala la bini bane bá ka sɔh nyiŋi Keenan harɛ maa kpɔa dɛɛ ba Israel tena tɛɛ la. Deene la bɛlbwa le o nomonnyu bá kaa.”

Nɛra Kura 25:1

Israel tena aa baŋre ba tɛnte deene dɛ ta so Akaasia Fɛlembɔjen bini la, ba bini baala pa mun lawɛ Moab haahna dɛɛ chɔ.

Nɛra Kura 33:49

Moab harɛ waa chɔa kaa la ta la, ba baŋre ba tɛnte deene Jɔɔdan Moo la nyoa, dɛ so Bɛt Jɛsemɔt dɛ kpoŋe kaa Ebel bela baa du akaasia daa.

Matiu 1:5

Salmon lolɛ Boas, o nya sɔne Rahab, Boas lolɛ Ɔbɛd, o nya sɔne Rut, Ɔbɛd lolɛ Jese,

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Hibru 11:31

Korowiirii hanjwamane Rahab yarada waa o lɛ Israel tena baa baa nyiŋi ba bwɛɛ la sɔh kɛrɛdɛ, Israel tena aa wola on kpoe ja nɛra baa wola Korowii waa noɛ la nɛ.

Jems 2:25

Gɛ tentenee a do hanjwamane baa dɛ yerɔ Rahab la ɡba nɛ. Israel tena toroma bane aa bala dɛ́ fe ba sɔh hweli o bwɛɛ harɛ waane dɛ́ ka taa ba bwɛɛ tena be la, o lɛɛ ba sɔh dɛ baɡ ba ŋwɛnɛfale ba chwa kaa. Gɛ wedɛɛɡa nɔ taa a che Korowii ŋɔ o ɡe ɛ nɛndɛɛɡe o waa su o siwi.

Josua 1:18

Nomɛlbwa waa ɛ deŋnekpeɡ waa wola he waa taa teŋɛ la, kpoe yaa ba o kpoe. He te che kiŋkiŋ, dɔ bambile!”

Josua 2:2

Dɛ Jeriko kooro noɔ kɛŋɔ Israel tena bane sɔɔh ba jo bwɛɛ la ta awola jwaana la ne, dɛ́ ba sɔh nyiŋi harɛ la.

Josua 21:31

ne Hɛlkat dɛ Rehob. A lɔ bwɛjena anaarɛ, a ne a kondɛɛra dibɔra.

Josua 3:1

Ate, tɔ aa pera chɔmbibi la, Josua ne Israel tena la le Sitim dɛ ka so Jɔɔdan Moo nyoa tama mɔɔ dɛ ɛɡɛ le o baŋ.

Josua 5:10

Israel tena kaa baŋre ba tɛnte deene dɛ so Gelɡal, o bɛne bwɛjen Jeriko harɛ waa chɔa kaa ta. Dɛ ba dɔ Galekaa Tɔpejen dɛɛ ba dii korobie la tɔpera fi dɛ anaarɛ ta jɔmɔra.

Sitɔɔla 1:23

Ba tomɛ nɛra ŋɔ bá ka sɔh nyiŋi Bɛtel,

Sitɔɔla 18:14

Baala banue baa laŋa ka sɔh nyiŋi Lais harɛ la ŋɔ ba bala laa tena la be ŋɔ, “Hé jemɔ kɛŋɔ batakaarebora waa do kɛŋɔ efɔd ne dem voɡare baa sɛah kɛɛ dɛ loɡa lɔ deremi nɔ bɛl ta naa? Ɛrɛɛ chɛ kɛ yá ɛɔ?”

Sitɔɔla 18:17

Baala banue baa kaa sɔh ɡaaɡe harɛ la ta la joɔ kaa dem la bini, dɛ ka kpɔ batakaarebora waa do kɛ efɔd la, ne voɡ baa sɛah la, ne deremi voɡa ane ne voɡ baa kpɔ suuɡapoŋa ɛo la, dɛ anɔ la aa jaa bwa. Asɛ kerekpoŋri la ne laa tena lafraanumɛl la ɡe che doonyoa la ta.

Sitɔɔla 18:2

Anomanta, Dan dea tena tomɛ laa tena banue le bwɛɛre Sora ne Ɛstaol ŋɔ bá ka sɔh ɡaaɡe harɛ la ta dɛ́ na ɡɛ waa doa. A ɡɛ laa tena nɔ cheɡɔ tɛ Dan dea tena bwa. Ba ŋɔ ba be ŋɔ, “Hé ka ɡaaɡe harɛ la dɛ́ na ɡɛ waa doa.” Ba jo Efrem dea tena deŋɡarere harɛ ta, dɛ ka le Maeka dem dɛ chɔ bela.