Josua 18:6 - mzwDBL

⁶ Hé chwerɛ harɛ la bɔre anuanɛ la bɛlbwa waa tonaa, hé kpɔ ba tɛ mɛ. Ásɛ n bil daa Korowii yaa dɛ tomɔ la sie tɛ heya.

Josua 18:6 Iomraidhean Croise

Yela 105:11

O ŋɔ, “He ne he naanaree mɛɛ ba Keenan harɛ kpɔe tɛ, ó ɛ he kapɛrɛ kon.”

Sɛɡla 16:33

Nɛra dɛ ta bie dɛɛ nyin liire a ta, kɛ Korowiirii jemɛ ɡɛ aa chiɡ.

Sɛɡla 18:18

Waa lɔ nɛra banɛ ba waa aa kpeɡa baah ta naa, Korowii siee ba kpɔ dɛɛ bil wɛɛ baɡle a kasinteŋ.

Nɛra Kura 33:54

Hé che bie tae ta dɛ́ bɔne harɛ la. Dea o nɛra aa wara la, hé ɡel ba bɔr do kan, banɔ la baa wola warɛ la, hé tɛɛ ba onjeɡa. Dɛ ba ta bie la aa, bela bwa aa chole la, ɛ he bɔr. Hé bɔna denaa ta.

Nɛra Kura 34:13

Mosis ŋɔ Israel tena la be ŋɔ, “Harɛ laanee la, Korowii ŋɔ hé che bie tae ta, dɛ́ bɔne tɛ deene anuanaarɛ ne pera ó ɛ ba kon,

We-ɛɛla 13:19

Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.

Josua 14:2

Dɛ Korowii ŋɔ Mosis be wubwa kɛŋɔ, Jɔɔdan Moo wee cholibɔr harɛ waa dɛ ba bɔna tɛ deene anuanaarɛ ne dea beŋkpoŋ pera la, bá bil daa ásɛ bɛlbwa dɔ o kon.

Josua 18:10

Ate, o bil daa Korowii sie Silo bela tɛɛ ba, asɛ dɛ bɔne harɛ la tɛ Israel deene aa kaa la.

Josua 18:7

Lewi dea tena te aa harɛ la peraa dɔ he bini, ba kapɛrɛɛ kɛŋɔ ba ɛ Korowii sɔfore dɛɛ di a ta. Dɛ Gad ne Rubin deene dɛ Manasɛ dea pera tena te dɔ ba harɛre a ɛ ba kapɛrɛ kwa Jɔɔdan Moo wee leebɔr bela wubwa. Korowii bonɔɔ Mosis bɔna tɛɛ ba.”

Josua 18:8

Ate, nɛra la chiɡ ŋwɛnɛ ta dɛ kaa harɛ la ta ɡɛ Josua aa do ba la. Mɔɔ baa kaa la, o dalawe waa la ta ja ŋɔ, “Hé ka ɡaaɡe harɛ la ta, dɛ́ chwerɛ ɡɛ o waa aa doa ba tɛ mɛ, ásɛ n bil daa Korowii sie Silo bonɔ tɛ heya.”