Josua 18:3 - mzwDBL

³ Asɛ Josua pɛɛ Israel tena la ŋɔ, “Saŋ besoo hɛɛ nyin kɛŋɔ he so ka tel mɔɔ, dɛ́ ta ka lɛ harɛ Korowii he naawa aa tomɔ la aa kpɔa tɛ heyaa laɔ?

Josua 18:3 Iomraidhean Croise

Sɛɡla 10:4

He dɛ ɛ bɔhwaah aa, nyae hɛɛ nya, kɛ dɛ he dɛ ɛ toma tenaa, kwaa hɛɛ dɔ.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

Sɛɡla 15:19

Bɔhwaah soɡa bini do kɛŋɔ, waa dɛ valɛ sɔɔhne ta, kɛ he waa toɡraa, he ŋwɛnɛ wer.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Sefania 3:16

Tɔpere bɛl dɛ ba ásɛ ba bol Jerusalam tena be ŋɔ, “He bɛ ɔmɛ, Bwɛɡoroŋ Saayɔn tena. He bɛ ɡel he bwara hwah.

Matiu 20:6

Aa baa ka tamaa ken wee jo la, o berɔ ka na nɛra bane kɛ ba ɡe aa cheɡɛ fɔɡbaah pɛɛpɛɛ. Anee o pɛɛ ba ŋɔ, ‘Ɛrɛ waa fini bwa he che bonɔ dɛɛ chɔɡ pɛɛpɛɛ nɔɔ?’

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.

Josua 13:1

Josua baa hwɛɛh kɛrɛdɛ. Asɛ Korowii ŋɔ o be ŋɔ, “Taraken he hwɛɛhrɔ kohona, kɛ a ta ka harɛre warɛ kɛŋɔ Israel tena yo dɛ lɛ.

Josua 18:2

kɛ dɛ a ta ka Israel deene anuanɛ nɛra baa wola harɛre dɔe a ɛ ba kapɛrɛ kwaa mɔɔ.

Josua 18:4

Hé le nɛra batoro le dea bɛlbwa ta ba tɛ mɛ, ásɛ n tom ba bá ka ɡaaɡe harɛ la ta, dɛ́ nyiŋi bela baa dɛ nyin dɛ́ chwerɛ o wa, ɡɛ bɛlbwa kapɛrɛ kon aa doa, ásɛ dɛ berɛ ba n be.

Sitɔɔla 18:9

Anee ba chaŋe ŋɔ, “Hé ba yá ka yoo ba! Ya nao kɛŋɔ harɛ la wer kɛrɛdɛ. Hé ɛ warane, hɛɛ berɛ ɔma. Yá kaa, yaa pɔ ba nɛɛ dɛ́ kpɔ harɛ la.