Josua 18:19 - mzwDBL

¹⁹ Dɛ berɛ kpɔ Bɛt Hoɡla harɛbɔr weekaŋle nyunduabɔr, dɛ ba le Yar Mpo la ta bela Jɔɔdan Moo la aa baa su o ta. Belaa ɛ harɛ la weekaŋle harɛbɔr jwɛh ta.

Josua 18:19 Iomraidhean Croise

Mumpar 14:3

Gɛ nɛmbele banue nɔ baa cheme Sidim Fɛlembɔjen ta. Ba berɔ dɛɛ yerɔ Yar Mpo taraken.

Mumpar 19:25

O chɔɡ deŋɡarere dor harɛ waa chɔa kaa la bwa ne bwɛɛre aa lɔ o ta, nɛra baa lɔ bela bwa sekwaraa, ne konduula aa lɔ harɛ la ta bwa.

Aesaya 11:15

Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Nɛra Kura 34:3

Weekaŋle harɛbɔr jwɛh la le Sin pua hɛŋle ɡbo harɛ la ta, dɛ́ kpoŋe kaa Edom harɛ jwɛh ta. Wee leebɔr ɡe le Yar Mpo ta kaa weekaŋle harɛbɔr,

Mmarare 3:17

Le wee cholibɔr ɡe, ba bɔr kaa Jɔɔdan Moo ta, dɛ le Galilia Moo weekaŋle nyunduabɔr dɛ kpoŋe kaa Yar Mpo weekaŋle harɛbɔr, dɛ kpɔ ka jaɡɛ Pesɡa Bwejen wee leebɔr.

Josua 12:3

O harɛ la teŋɔ ba le Jɔɔdan Fɛlembɔjen la ta, dɛ le Galilia Moo weekaŋle harɛbɔr, dɛ kaa Bɛt Jɛsemɔt harɛ ta, o lɔ Yar Mpo wee leebɔr. Dɛ kpoŋe kaa Pesɡa Bwejen lɔɡa.

Josua 15:2

Harɛ la jwɛh le Yar Mpo nyoa weekaŋle harɛbɔr,

Josua 18:18

O berɔ kpɔ Bɛt Araba weekaŋle nyunduabɔr, dɛ kaa Jɔɔdan Moo Fɛlembɔjen bini.

Josua 18:20

Jɔɔdan Moo laanee ba wee leebɔr harɛ jwɛh ta. Gɛɛ harɛ Bɛnjamen dea tena kapɛrɛ kon baa bɔna lolanar ta la jwɛhre la bwa waa do.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.