Josua 18:14 - mzwDBL

¹⁴ Jwɛh la berɔ kpɔ bobɛl dɛ ba kpɔ bwe la wee cholibɔr, dɛ berɛ kpɔ weekaŋle harɛbɔr dɛ kaa Kiriat Baal, waa ɛ Juda dea tena harɛ ta. Ba jwɛh waa lɔ wee cholibɔr laanee la.

Josua 18:14 Iomraidhean Croise

2 Samoɛl 6:2

O ne o laa tena la iro le bwɛjen Baala baa bera dɛɛ yerɔ Kiriat Jearim waa lɔ Juda harɛ ta, dɛ́ ka kpɔ Korowii Ne Nɛwɛnyina Fɔo Daka la le bela dɛ́ kaa Jerusalam. Nemenɛ Korowii sɔn dawɛ Daka la ta, asɛ o so o kookara ta, kena kwaa baa dɛ yera Kerobim la baah ta.

Josua 15:60

Ane ɡee Kiriat Baal, dɛ Raba. A bwa lɔ bwɛjena anɛ, a ne a bwɛjeɡre.

Josua 15:9

Jwɛh la berɔ le deŋɡare la ta dɛ chɔ kaa Neftoa bule ta, dɛ kpɔ bwɛɛre ane aa chɔa bɛne Efron Bwejen la, dɛ ɡole kaa bwɛjen Baala.

Josua 18:13

Ba jwɛh la berɔ kpɔ bwɛjen Lus, weekaŋle harɛbɔr, dɛ wili kaa Atarɔt Adaa, deŋɡare bɛl ta Bɛt Hɔrɔn harɛbɔr.

Josua 18:15

O weekaŋle harɛbɔr jwɛh ɡe kpɔ bwɛjen Kiriat Jearim dahare wee cholibɔr, asɛ ba jwɛh ba jaɡɛ Neftoa bule ta.

Josua 9:17

Belaa Israel tena la ir chiɡ ŋwɛnɛ ta dɛɛ kaa nɛra la be, tɔpera atoroo ba kpɔ jo ba bwɛjena la ta. Bwɛjena laanee Gebeɔn ne Kefira ne Beɛrɔt dɛ Kiriat Jearim.

1 Samoɛl 13:18

Bɛl ɡe kpɔ sie pa wee cholibɔr Bɛt Hɔrɔn pera. Banɔ la baa kaa la ɡe kpɔ sie chaɡɛ wee leebɔr pua hɛŋle ɡbo harɛ jwɛh ta, asɛ Seboim Fɛlembɔjen la sie chaɡɛ bela.