Josua 18:12 - mzwDBL

¹² Bɛnjamen dea harɛ la jwɛh pa mun le Jɔɔdan Moo weekaŋle nyundua, dɛ kaa Jeriko weekaŋle nyunduabɔr deŋɡarere harɛ ta, dɛ ba jaɡɛ Bɛt Avɛn pua hɛŋle ɡbo harɛ ta.

Josua 18:12 Iomraidhean Croise

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Josua 16:1

Harɛ baa kpɔa tɛ Josef naanar la jwɛh le weekaŋle harɛbɔr, dɛ pa mun le Jɔɔdan Moo la bɛne Bwɛjen Jeriko, bobɛl neerare aa chɔa wee leebɔr, dɛ kpɔ bela kaa pua hɛŋle ɡbo harɛ la ta, dɛ kaa Bɛtel waa lɔ deŋɡarere harɛ ta.

Josua 18:11

Bɛnjamen dea lolanaree tɔ sie dɔ ba harɛ. O chɔ Juda dea tena harɛ ne Josef naanar harɛ baah ta.

Josua 2:1

Dɛ Israel tena la bwa cheme bobɛl baa dɛ yerɔ Sitim dɛ so bela. Asɛ Josua sɔh dɛ le ba bini baala banɛ dɛ tom ba ŋɔ, “Hé ka sɔh nyiŋi Keenan harɛ dɛ́ na ɡɛ waa doa, bwɛjen Jeriko te fanfa.” Asɛ ba sɔh dɛ la bela, dɛ ka choɡ hanjwamane Rahab.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

Josua 6:1

Bwɛjen Jeriko tena koh Israel tena waa dɛ laa ɡbeni baa kpɔ a ta dɛɛ jo bwɛɛ la ta kaɡre tɔ ba nɛ. Nomɛlbwa aa won le bwɛɛ la ta kɛɛ dɛ́ jo bela.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Josua 8:15

Josua ne o nɛra saahnɔ berɛ habɔɔ dɛɛ chwa dɛ ɡel Ai tena ɛɛ doŋ ba, ba chwao dɛ kpɔ sie chaɡɛ pua hɛŋle ɡbo harɛ la ta.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.