Josua 18:1 - mzwDBL

¹ Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Josua 18:1 Iomraidhean Croise

2 Samoɛl 7:6

Le awola tɔpere maa kpɔ Israel tena le Ijipt harɛ ta ba le fini, n ta dea bini soɡe bwa. Tɛnte dea binii mɛɛ so ba kpɔ mɛ dɛɛ ɡaaɡe.

1 Koranar 14:2

asɛ Kooro Jɛroboam ŋɔ o haah be ŋɔ, “Ir dɛ la Silo Korowii keame Ahija be, o lɔ bela. Ka beɡre he te ásɛ ba bɛ jemɛ kɛŋɔ men Kooro Jɛroboam haahnee hen. Onee ŋɔ n be ŋɔ mɛɛ di kora Israel harɛ nɔ taa.

1 Koranar 14:4

Ate, Kooro haah la ir dɛ ɛ ɡɛ kooro aa bola la, dɛ chiɡ ŋwɛnɛ ta la Silo Korowii keame Ahija be o dem. Dɛ Ahija hwɛɛhrɔ, waa na kɛrɛdɛ kpa.

1 Koranar 2:27

Gɛɛ a do Kooro Solomɔn le Abiata sɔfore dii ta, dɛ ɡel waa Korowii aa bola Silo, a ɛ sɔfo Eli dem waa la ɛ kpela.

Nehemia 9:24

Ba naanar laŋɔ ka yo dɛ kpɔ harɛ la, o ɛ ba kon. He tɔ ba sie dɛ sɔɔh nɛra baa soɡe harɛ la ta nyoa, dɛ tɛ he nɛra kpeɡri ba pɔ Keenan harɛ koranar ne nɛra baa lɔ bela nɛ, dɛ ɛɛ ba ɡɛ baa dɛ nyin.

Yela 78:60

O ɡel o Tɛnte Dea waa lɔ Silo, waa ɡela ba baŋro o ɛ o dobɔr harɛ nɔ ta la.

Yela 78:66

O ɡelɔ o dɔma peɡre, ba di sihiih saŋ bɛlbwa dɛɛ la.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 26:9

Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.

Jeremia 41:5

dɛ baala fifraanuatoro fonɛ ba tampona dɛ kɛɛ ba laala, dɛ kpɔ keri mɔne ba bwara, a baɡle kɛŋɔ ba lɔ lwe ta, dɛ le bwɛɛre Sɛkem ne Silo dɛ Samaria ba. Dɛ ba kpoŋe mea ne daawiile a sɔɔh aa soma, dɛ́ kpɔ ba ɛ sarahare Korowii Dea.

Nɛra Kura 32:22

dɛ Korowii sɔɔh harɛ la nɛra kpeɡri nyoa mɔɔ he laa berɛ aa, dɛ he ɛ waa aa wera tɛ Korowii ne Israel tena, dɛ Korowii sɛoh kɛ harɛ la ɛ he kon.

We-ɛɛla 7:45

A ɡɛ Korowii Tɛnte Dea nɔ baa kpɔ tɔne baŋro nɔ baa di ya naawa nɔn ta saŋ bɛl. Ba ɡe naanaree serewa dɛ kpɔ tɛɛ ba. Ba ne Josua aa dɛ valɛ la bwa, dɛ ba cheɡɛ a ɡɛ debaŋre la tɔne. Baa dɛ kaa la bwa dɛ Korowii dɛ doŋi nɛra baa lɔ ba sie bwɛɛre la ta la asɛ baa so a ta. Gɛɛ dea la do ba be ka tel saŋ la Devid aa baa di kora la.

Josua 18:2

kɛ dɛ a ta ka Israel deene anuanɛ nɛra baa wola harɛre dɔe a ɛ ba kapɛrɛ kwaa mɔɔ.

Josua 18:8

Ate, nɛra la chiɡ ŋwɛnɛ ta dɛ kaa harɛ la ta ɡɛ Josua aa do ba la. Mɔɔ baa kaa la, o dalawe waa la ta ja ŋɔ, “Hé ka ɡaaɡe harɛ la ta, dɛ́ chwerɛ ɡɛ o waa aa doa ba tɛ mɛ, ásɛ n bil daa Korowii sie Silo bonɔ tɛ heya.”

Josua 19:51

Gɛɛ sɔfo Eliasa ne Nun bibaa Josua, dɛ Israel deene nomonome la bil daa bela baa soɡa bwɛjen Silo, Korowii Dea Cheremibɔr la sie, dɛ bɔne harɛ la tonɛ.

Josua 21:2

dɛ ka ŋɔ, “Korowii cheɡɛ Mosis nɛɛ dɛ ŋɔ hé tɛ yaa bwɛjena ya so, ne bɔra ya kondɛɛra aa dɛɛ di.” Gɛ saŋee Israel tena la bwa baŋre ba tɛnte deene, dɛ ta so Silo waa lɔ Keenan harɛ ta bela la.

Josua 22:12

ba bwa chemo Silo bela kɛŋɔ ba la ka puu ba yo.

Josua 22:19

Dɛ hé dɛ lii kɛ he harɛ baa kpɔa tɛ heyaa la kah doŋa aa, hé le Jɔɔdan baŋ, dɛ́ ba so harɛ Korowii Tɛnte Dea aa lɔ o ta nɔ. He bɛ sie laa kpɔ Korowii nɛɛ kɛɛ dɛ́ kpɔ yaa berɛ dɔma, dɛ́ ma kon baa dɛ ɛ saraha o ta tɛ he te ja Korowii yaa dɛ tomɔ kon nɔ ta.

Josua 22:9

Asɛ Rubin ne Gad deene, dɛ Manasɛ dea pera tena la le bela bane Israel tena laa soɡa bwɛjen Silo, o lɔ Keenan harɛ ta, dɛ laa berɛ ba kaa ba ɡbaɡba harɛ ta Gelead, ɡɛ Korowii aa cheɡɛ Mosis nɛɛ dɛ do ba la.

Sitɔɔla 18:31

Gɛ saŋ Korowii Tɛnte Dea aa lɔ Silo la bwa, dɛ ba ta teŋɔ dɛɛ tomɛ voɡa Maeka aa ɛa la.

Sitɔɔla 21:12

Ba na toli lafraanaarɛ Jabes Gelead baa wola baala jemɛ bwa, asɛ ba laɡ ba kaa bela baa baŋre ba tɛnte deene Silo waa lɔ Keenan harɛ ta.

Sitɔɔla 21:19

Kɛ hé no! Ya dɛ ba tɔpejen bɛl dii Silo waa lɔ Bɛtel weekaŋle nyundua, ne ŋwɛnɛ waa lɔ Bɛtel ne Sɛkem wee leebɔr, ne Lɛbɔna weekaŋle harɛbɔr.”

1 Samoɛl 1:24

Hana aa teŋe bie la el la, o lawɛ nabal waa di bene atoro, dɛ ɛ men aa kpera kɛrɛdɛ kuruware fi, dɛ sen oltɔn pur del, asɛ o ne o jaa kpɔ bie la ja kaa Korowii Dea waa lɔ Silo la.

1 Samoɛl 1:3

Bena bɛlbwaa Ɛlkana yon le o bwɛɛ Rama kaa bwɛjen Silo, dɛ́ ka tomɛ Korowii Waa Ɛ Koranar Bwa Kooro dɛ kpoo kwaa ɛ saraha tɛo. Dɛ Eli ɛ sɔfo, dɛ dɔ bibaala banɛ bane ba ɡe aa ɛ sɔfore. Bɛl sɔne Hofni nɛɛte ɡe Fenehas.