Josua 17:18 - mzwDBL

¹⁸ dɛ́ kpɔ deŋɡarere harɛ waa ɛ kɔr la ɡe ja. Hé teŋni kɔr la daa la, dɛ́ parɔ kaa sie. A lole kɛŋɔ Keenan tena dɔ kwaa aa do kɛŋɔ torɔɡore ba vɔwa pɛl jaɡre dɛ do kpeɡri te, kɛ hɛɛ won doŋ ba le.”

Josua 17:18 Iomraidhean Croise

Mumpar 49:24

Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

2 Samoɛl 18:6

Kooro Devid laa tena la kaa kpɔɡ bini dɛ ka yo Israel tena, kɔr bɛl bini, Efrem dea harɛ ta.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

Mmarare 33:17

O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”

Josua 13:6

Harɛ aa chɛ kɛ hé ka yo dɛ́ pɔ ba nɛɛ ja laanee Sidon tena harɛ baa soɡe deŋɡarere bwɛɛre ta dɛ do Lɛbanɔn bwejena ne Mesrefɔt Maim harɛ baah ta bwa la. N ɡbaɡba ɛɛ doŋi nɛra la bwaa le he sie, ásɛ he nyiŋi kɛrɛdɛ dɛ́ bɔne harɛ la tɛ Israel tena la, ó ɛ ba kapɛrɛ kon ɡɛ maa ŋɔ he be la,

Josua 15:9

Jwɛh la berɔ le deŋɡare la ta dɛ chɔ kaa Neftoa bule ta, dɛ kpɔ bwɛɛre ane aa chɔa bɛne Efron Bwejen la, dɛ ɡole kaa bwɛjen Baala.

Josua 17:17

Josua ŋɔ Efrem ne Manasɛ deene tena la be ŋɔ, “Kasinteŋ, he warɔ, dɛ do kpeɡri ɡe kohona. Hɛɛ dɔ bɛlee

Josua 20:7

Asɛ Israel tena la le bwɛjen Kedes waa lɔ Galilia harɛ dɛ do Naftale dea deŋɡarere ta. Dɛ le bwɛjen Sɛkem waa lɔ Efrem dea tena harɛ deŋɡarere ta, dɛ bwɛjen Kiriat Aaba, o do Juda dea tena harɛ deŋɡarere ta.

1 Samoɛl 1:1

Baa bɛlee fa lole baa yerɔ Ɛlkana, o le Efrem dea. Dɛ o soɡe Rama waa lɔ Efrem deŋɡarere harɛ ta. O mɛɛ sɔne Jɛroham, o nabaa ɡe sɔne Elihu. Elihu ɡe mɛɛ Tohu, asɛ Tohu ɡe mɛɛ sɔne Suf.