Josua 17:14 - mzwDBL

¹⁴ Asɛ Josef naanar ir la Josua be dɛ ka bɔɔro ŋɔ, “Ɛrɛ waa he tɛ yaa harɛ bɔrbeŋkpoŋ ɡbo o ɛ ya kapɛrɛ kon nɔɔ? Korowii swee andɛɛɡa tɛ yaa, dɛ́ ɡel ya warɛ.”

Josua 17:14 Iomraidhean Croise

Mumpar 48:19

O mɛɛ ta sɛɛh dɛ ŋɔ, “N jemɔ, n bie. Manasɛ naanar ɡe ɛɛ warɔɔ dɛ́ ɛ nɛnjena. Kɛ o nime ɛɛ ba ɛ nɛnjenii ɡwaalo, ásɛ o naanar ɡe warɛ kohona.”

Mumpar 48:20

Anomanta, o swee andɛɛɡa tɛɛ ba awola tɔpere la dɛ ŋɔ, “Israel tena dɛ ba andɛɛɡa sweeraa, baa ŋɔɔ, ‘Korowii ɡel he do kɛŋɔ Efrem ne Manasɛ.’ ” A waa o kpɔ Efrem sɔn tɔ Manasɛ sie la.

Mumpar 48:22

N kpɔ Sɛkem harɛ waa wera la dɛɛ tɛɛ, he dɔɔranar laa n kpɔ dɛɛ tɛ. N dɔmkwaa nee n yo dɛ lɛ le Amɔre tena be.”

Ɛsekeɛl 48:5

Efrem dea tena ɡe ɛɛ dɔ ba konee. Ba ne Manasɛ dea tena do jwɛh, wɛɛ le wee leebɔree teŋe ba kaa wee cholibɔr.

Nɛra Kura 13:7

Isaaka dea, Josef bibaa Iɡal.

Nɛra Kura 26:54

Dea bɛlbwa o nɛra aa wara la, ɡel ba kon do kan, bɛlbwa ɡe o nɛra aa wola kanɛ la, tɛɛ ba onjeɡa. Nyiŋi deene la nɛra kan ta, dɛ́ ɡel dea bɛlbwa dɔ o kon.

Nɛra Kura 36:12

Ba yalɛ Josef bibaa Manasɛ dea la ta, asɛ ba harɛ baa dɔa la ka ba mɛɛ lolanar harɛ ta.

Josua 16:4

Harɛ Josef naanar baa ɛ deene ane baa dɛ yera Efrem ne Manasɛ aa dɔa o ɛ ba kapɛrɛ kon laanee.

Josua 17:15

Anee Josua chaŋe ŋɔ, “Dɛ he warɔ asɛ Efrem deŋɡarere harɛ la aa kanɛ tɛ heya aa, hé kaa Pɛrɛs ne Refa tena kɔne la bini, dɛ́ ka parɛ bela dɛ́ so.”