Josua 17:13 - mzwDBL

¹³ A habɔɔ Israel tena aa baa do kpeɡri la, ba ta Keenan tena la bwa doŋe. Ba ɡelɔ ba so dɛ ɛ toma dɛɛ tɛɛ ba.

Josua 17:13 Iomraidhean Croise

Mumpar 49:15

o nao kɛŋɔ bela waa dɛ ba ona la ɛ bodɛɛɡe asɛ silɛɛ do bela aa, wɛɛ kpɔ vaamaa lɛa, dɛ́ kpɔ o te tɛ tomkpeɡa.

2 Samoɛl 3:1

Laa la chɔ nɛra ba fa aa teŋɛ Kooro Sɔɔl nɛ ne Kooro Devid laa tena baah biɡri taeh. Kooro Devid ne o nɛra teŋɔ dɛɛ do kpeɡri, asɛ Kooro Sɔɔl ne o nɛra te nyoa ɛɛ sɔɔh.

1 Koranar 9:21

ba naanaree kaa Israel tena aa wola wone kpoo ba. Banee Kooro Solomɔn ɛɛ ba yoma baa ɛ tomkpeɡa Israel harɛ ta ba le fini.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

Josua 16:10

Efrem dea tena la ta Keenan tena baa soɡe Gɛsa la doŋe le bela. Anomanta, ba ne ba bwa pɛo so dɛ ba le fini. Kɛ Efrem dea tena la ɡelɔ baa ɛ toma kɛŋɔ ba yoma ken.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

Sitɔɔla 1:28

Israel tena aa baa dɔ kpeɡri la, ba ɡelɔ Keenan tena la ɛɛ ɛ tomkpeɡa, kɛ ba ta ban doŋe le kwaraa.

Sitɔɔla 1:30

Sebulon dea tena ta Keenan tena baa soɡe bwɛjena Ketrɔn ne Nahalal doŋe. Ba ne ba pɛo so, kɛ tomkpeɡaa ba ɡel baa ɛ.

Sitɔɔla 1:33

Gɛɛ Naftale dea tena ta Keenan tena baa soɡe bwɛjena Bɛt Sɛmɛs ne Bɛt Anat la doŋe, kɛ tomkpeɡaa ba ɡel baa ɛ. Ba ɡe soɡe Keenan tena la baah ta.

Sitɔɔla 1:35

Amɔre tena la sie beɡrɔ ba ta so Heres Bwejen ne Aejalɔn dɛ Saalabim ta. Kɛ Josef dea tena baa dɔ kpeɡri, dɛ ɡel baa ɛ tomkpeɡa.