Josua 17:11 - mzwDBL

¹¹ Isaaka dea tena harɛ ne Aasa dea tena harɛ ta la, Manasɛ dea tena dɔ bwɛjena. Anee Bɛt San ne Ibleam ne Dɔr ne Ɛndɔr ne Taanak ne Meɡido dɛ a bwɛɛre aa bara.

Josua 17:11 Iomraidhean Croise

2 Samoɛl 21:12

o iro la ka pa Kooro Sɔɔl ne o bibaa Jonatan hoɡa le Jabes Gelead tena be. Dɛ ba ŋwɛa le Bɛt San, bela nɛra yon kaa soŋni bwɛjen la doonyoa. Belaa Filisti tena kpɔ ba saɡɛ ɡɛ saŋ baa kpo Kooro Sɔɔl Gelboa Bwejen ta la.

1 Koranar 9:15

Ŋwɛnɛ Kooro Solomɔn aa kpɔa ɛɡre nɛra ba ma Korowii Dea ne o ɡbaɡba koodem, ne bwea waa ɡela ba che su bwɛjen Jerusalam wee leebɔr pera waa ɛ bɔɔ la bini o su, ne danjwɛjen waa baro, ne bwɛjena Hasɔ ne Meɡido dɛ Gɛsa laanee la.

2 Koranar 9:27

Juda harɛ Kooro Ahasia aa na ɡɛ la, o chwao kpɔ o torɔɡo la, dɛ lawɛ ŋwɛnɛ bɛl waa kaa bwɛɛ bɛl baa dɛ yerɔ Bɛt Haɡan ta. Asɛ Kooro Jehu tiu dɛɛ dooɡe lɔŋɔre o laa tena la be ŋɔ, “Hé kpo o ɡe.” Ba do Kooro Ahasia bol ɡɛ saŋ waa cheɡɛ o torɔɡo la bini, asɛ jaɡre la tɛɡre torɔɡo la, dɛ chwa kpɔ ŋwɛnɛ waa kaa bwɛɛ baa dɛ yerɔ Gur, waa bɛne Ibleam. Kɛ o berɔ won teŋɛ chwa kaa bwɛjen Meɡido ta, dɛ ka sewɛ bela.

1 Webena 6:70

Kohat dea tena kabora la ɡe, Israel tena tɛɛ ba bwɛɛre ane kɛŋɔ, Ana ne Beleam ne ba kondɛɛra dibɔra, dɛ le Manasɛ dea pera kon ta.

1 Webena 7:29

Dɛ kpoŋe ka le Manasɛ dea jwɛh ta kaa Bɛt San ne Taanak ne Meɡido ne Dɔr, dɛ bwɛɛre aa bar bela bwa. Dɛ Jekɔb bibaa Josef naanaree sosoɡe a ɡɛ bwɛɛre nɔ ta.

2 Webena 35:22

Ane a bwa, dɛ Kooro Josia ta dɛ nyin ó ka yo. O ta waa Korowii aa cheɡɛ Kooro Neko nɛɛ dɛ bol la ta teŋɛ, anomanta, o beɡre o te dɛ la ka yoo Meɡido harɛ waa chɔa kaa la ta.

Yela 83:10

He kpoo ba bil Ɛndɔr, ba chɔ bela dɛ pɔh.

Jeremia 49:2

Kɛ tɔpera ane dɛ ba, ásɛ n ɡel nɛra baa lɔ Amɔn harɛ bwɛjen Raba no laa lɔŋɔre. Bwɛjen la ɛɛ paɡroo dɛ́ berɛ dimɡbia, ásɛ o bwɛjeɡre aa baro bwa ɡe fuh. Belaa Israel tena ɛɛ ba banɔ la ba fa aa doŋ ba le ba harɛ ta la doŋa le. Men Korowiirii bola.

Sekaria 12:11

Awola tɔpere la, wii waa do Jerusalam la ɛɛ do kanee, kɛŋɔ Hadad Remɔn tena wii baa wi Meɡido deŋɡare doa harɛ waa chɔa kaa ta la.

Josua 11:2

O ɡelɔ koranar baa lɔ weekaŋle nyunduabɔr deŋɡarere ta dɛ do Jɔɔdan Fɛlembɔjen ta, ne Galilia Moo weekaŋle harɛbɔr, ne banɔ la baa lɔ deŋɡarere lɔɡre, ne banɔ la baa lɔ mpo nyoa weekaŋle harɛbɔr dɛ bɛne bwɛjen Dɔr, nɛra ɡe no dɛ ba chao.

Josua 12:21

Taanak ne Meɡido koranar

Josua 12:23

Dɔr, o ɡe lɔ mpo nyoa ne Goim, dɛ do Galilia harɛ ta,

Josua 16:9

Bwɛjena ne bwɛjeɡre ane aa lɔ Manasɛ dea tena harɛ jwɛh ta ɡe jao, kɛ ba kpɔɔ ja Efrem dea tena.

Josua 17:10

Efrem dea tena harɛ lɔ weekaŋle harɛbɔr, asɛ Manasɛ dea tena kon do weekaŋle nyunduabɔr. Manasɛ dea tena harɛ kaa chiɡ Mɛdetereenea Mpo ta, ba ne Aasa dea tena harɛ jwɛh ta do weekaŋle nyunduabɔr, asɛ ba ne Isaaka dea tena jwɛh ɡe do wee leebɔr.

Josua 17:16

Asɛ Josef dea bii la ŋɔ, “Deŋɡarere dor harɛ waa chɔa kaa la aa kanɛ tɛ yaa, kɛ Keenan tena baa soɡe harɛpɛɛ waa chɔa kaa ta la, ba dɔ kwaa aa do kɛŋɔ torɔɡore ba vɔwa dɛɛ pɛl jaɡre, ba ne Bɛt San tena ne o bwɛɛre aa baro, dɛ banɔ la baa soɡe Jesreel Fɛlembɔjen la ta bwa.”

Sitɔɔla 1:27

Manasɛ dea tena ta nɛra baa soɡe bwɛɛ Bɛt San ne Taanak ne Dɔr ne Ibleam ne Meɡido dɛ bwɛɛre aa bara cheme la doŋe, dɛkalkɛ dɛ ba sie beɡrɔ kɛŋɔ ba so bela.

Sitɔɔla 5:19

Koranar balɔ dɛ ba yo, Keenan harɛ ta koranar balɔ dɛ ba yo. Ba baa yo Taanak waa bɛne nenabɔɔ Meɡido, kɛ ba ta wone kpɔ suuɡapoŋa kɛɛ komɛlbwa laa la ta.

1 Samoɛl 28:7

Kooro Sɔɔl ŋɔ o laa nomonome be ŋɔ, “Hé nyin haah waa voɡa dɛɛ yerɛ lala tɛ mɛ, ásɛ n la ka bɔɔ le o be.” Anee ba ŋɔ, “Bɛl lɔ bwɛɛ Ɛndɔr.”

1 Samoɛl 31:10

Ba kpɔ Kooro Sɔɔl dɔmkwaa la ka bil ba voɡhaah Astɔrɛt dea, dɛ kpaa o lale pɛl Bwɛjen Bɛt San danjwɛɛ ta.

1 Samoɛl 31:12

bansua tena baa lɔ bwɛɛ la ta kpɔ ba te, dɛ valɛ jwaana la bwa kaa bwɛjen Bɛt San. Ba laa Kooro Sɔɔl lale kpɔ danjwɛɛ la ta, dɛ kpɔ o bii la ja, dɛ ba ba ne Jabes dɛ ba fuuh ba.