Josua 17:1 - mzwDBL

¹ Ba bɔne Jɔɔdan wee cholibɔr harɛ la pera tɛ Josef binomoa Manasɛ ne o lolanar, o ɛ ba kapɛrɛ kon. Josef binomoa sɔne Manasɛ, asɛ o ɡe binomoa sɔne Makir. Makirii Gelead tena naa, dɛ o jemɛ yoi taeh. Anomanta, Gelead ne Basan harɛ aa lɔ Jɔɔdan wee leebɔr la baa ɛ o kwa.

Josua 17:1 Iomraidhean Croise

Mumpar 41:51

Josef pa o binomoa la sɔn Manasɛ. O munii Korowii ɡelɔ n soh n wenaale ne n mɛɛ lolanar bwa wa.

Mumpar 41:52

O pa binɛɛte la ɡe sɔn Efrem. O munii Korowii tɛ mɛ bii harɛ maa na wahala o ta la ta.

Mumpar 46:20

Josef aa lɔ Ijipt la, o lolɛ bibaala banɛ. Banee Manasɛ ne Efrem. Haah o ne waa lol ba la sɔne Asenat waa ɛ sɔfo Pɔtefɛra bihaah, dɛ o soɡe On. O sɔn bɛl ɡee Hɛleopɔles.

Mumpar 48:17

Josef aa naa kɛŋɔ o mɛɛ kpɔ nɔn diɡ dawɛ Efrem nyu ta la, a ta o som doe. Anomanta, o laa o mɛɛ nɔn kpɔ Efrem nyu ta, dɛ kpɔ ba dawɛ Manasɛ nyu ta.

Mumpar 48:18

Asɛ dɛ ŋɔ, “N mɛɛ, Manasɛɛ binomoa, kpɔ he nɔndiɡ dawɛ o nyu ta.”

Mumpar 50:23

O soɡo dɛ na Efrem bii ne o naanar. Manasɛ bibaa Makir ɡe bii waa lol ba la, o naa taa ba lol ba dawɛ.

2 Samoɛl 2:9

Abna cheɡo kora ta wɛɛ nyiŋi Gelead ne Asuri ne Jesreel ne Efrem ne Bɛnjamen dɛ Israel harɛre bwa ta.

1 Webena 2:23

Kɛ Gesur ne Aram harɛre tena yo bwɛɛre fifraanumɛl. Havɔt Jɛɛ ne Kenat, dɛ bwɛɛre aa baro cheme bwa ɡe jao. A ɡɛ nɛra nɔ baa soɡe bela bwa ɛ Gelead mɛɛ Makir naanar.

Ɛsekeɛl 47:13

Nemenɛ Korowii ŋɔ, “Anɔɔ dɛ́ ɛ harɛ la haa dɛ ba bɔna tɛ Israel deene fi dɛ anɛ la, ne bɔre anɛ Josef dea bii aa dɛ ba dɔe la jwɛhre, ásɛ bɛlbwa dɔ o harɛ ó ɛ o kapɛrɛ kon.

Ɛsekeɛl 48:4

Manasɛ dea tena ɡe ɛɛ dɔ ba konee. Ba ne Naftale dea tena do jwɛh, wɛɛ le wee leebɔree teŋe ba kaa wee cholibɔr.

Nɛra Kura 26:29

Manasɛ dea nɛraa teŋa nɔ. Makir ne o dea nɛra, ne Gelead dɛ o dea nɛra.

Nɛra Kura 27:1

Dɛ baa bɛl sɔne Selofehad, o mɛɛ sɔne Hɛfa. Hefa ɡe mɛɛ sɔne Gelead. Gelead ɡe mɛɛ sɔne Makir, Makir ɡe mɛɛ sɔne Manasɛ, Manasɛ ɡe mɛɛ sɔne Josef dɛ le Manasɛ dea. Selofehad dɔ bihaahna banue. Banee Maala ne Nowa ne Hoɡla, ne Milka dɛ Tirsa.

Nɛra Kura 32:33

Asɛ Mosis kpɔ Amɔre Kooro Sihon, ne Basan tena Kooro Ɔɡ harɛre baa dɛ di kora a ta, ne a bwɛjena ne bwɛɛre aa bara bwa tɛ Gad ne Rubin dea tena, dɛ Josef bibaa Manasɛ dea pera tena.

Mmarare 21:17

A chɛ kɛŋɔ hé tɛ bie waa ɛ nomoa la bele anɛ, hale dɛ he chanche la bie laa kwaraa noo. A ɡɛ bie laanee o mɛɛ bonɔmbie, anomanta, biloɡle dibɔr chɛo.

Josua 17:2

Harɛ waa lɔ Jɔɔdan Moo wee cholibɔr la baa ɛ Manasɛ lolanar baa kaa la ɡe kapɛrɛ kon. Banee, Abeɛsa ne Hɛlɛk ne Asriel ne Sɛkem ne Hɛfa dɛ Sɛmeda. Banɔɔ Josef bibaa Manasɛ naanar bibaala, dɛ ba bwa ɛ nomonnyuune.

Josua 22:7

Dɛ Mosis dɔɔ tɛ Manasɛ dea pera tena la harɛ o do Basan harɛ ta, asɛ ba kabora la, Josua tɛ ba dɔɔranar ne nimanar ɡe harɛ Jɔɔdan Moo wee cholibɔr pera. Josua ta ba ŋwɛnɛ, dɛ swee ba andɛɛɡa baa kaa bela baa soɡa,

Sitɔɔla 5:14

Bane le Efrem dea harɛ ta dɛ le Amalɛk tena luɡe ta, bane le Bɛnjamen dea harɛ ta dɛ ba, laa sitɔɔla le Makir harɛ ne Sebulon dea harɛ ta dɛ ba.