Josua 15:8 - mzwDBL

⁸ O berɔ chɔ kaa Bɛn Henɔm Fɛlembɔjen ta, dɛ kaa Jebus tena bwɛjen Jerusalam weekaŋle harɛbɔr. Jwɛh la le bela dɛ kpɔ deŋɡare bɛl waa lɔ Bɛn Henɔm Fɛlembɔjen doa wee cholibɔr, dɛ berɛ kaa Refaim Fɛlembɔjen ta weekaŋle nyunduabɔr.

Josua 15:8 Iomraidhean Croise

2 Samoɛl 5:18

Filisti tena la balɔ dɛ ba su Refaim Fɛlembɔjen bini bwa.

2 Samoɛl 5:22

Filisti tena la balɔ ba su Refaim Fɛlembɔjen bini ja,

2 Koranar 23:10

Kooro Josia ɡelɔ nɛra la Henɔm Fɛlembɔjen ta, dɛ ka paɡre kon baa dɛ ɛ saraha o ta baa yerɔ Tɔfɛt la. Gɛ aa ɛ ásɛ nɛra bɛ won kpɔ ba bibaala kɛɛ ba bihaahna ɛ sarahare dɛ́ fuuh ba dɛɛ tɛ voɡ Molɛk kpa.

1 Webena 11:4

Kooro Devid ne Israel tena bwa kpɔ ba te kaa Jerusalam, dɛ ba fa dɛ yerɔ Jebus, dɛ ka yo Jebus tena baa soɡe bela,

2 Webena 28:3

O kpoo kwaa dɛ fuah ɛ saraha Bɛn Henɔm Fɛlembɔjen bini. O kpo o bibaala, dɛ fuuh ba ɛ saraha, dɛ teŋɛ harɛre ane nawee waa Korowii aa kia, dɛ koh a wa doŋ ba le ba Israel tena sie la ta.

Nehemia 11:30

ne Sanoa ne Adulam dɛ a bwɛjeɡre ta, ne Lakes ne kooni aa baro ta, ne Aseka ne o bwɛjeɡre ta. Gɛɛ ba so le Beɛseeba waa lɔ weekaŋle harɛbɔr, dɛ teŋe ba kaa Henɔm Fɛlembɔjen weekaŋle nyundua.

Aesaya 17:5

Wɛɛ ɛo kɛŋɔ koo baa komɛ o mea dɛ paa kaa la ken. Wɛɛ ɛo kɛŋɔ koo baa kuuh mea Refaim Fɛlembɔjen bini, o chɔ pɛɛ.

Jeremia 19:14

Belaa men Jeremia le Tɔfɛt bela Korowii aa tom mɛ n ka bol o waa la. Asɛ n ka che Korowii Dea dembaah bela dɛ ŋɔ nɛra la bwa be ŋɔ,

Jeremia 19:2

ásɛ he la Jerusalam Bɛn Henɔm Fɛlembɔjen waa bɛne Kaŋli Doonyoa la ta. He tel bela aa, hé bol waa maa bol he be la.

Jeremia 19:6

Anomanta, tɔpere bɛl dɛ ba bala, ásɛ nɛra aa bonɔ Tɔfɛt kɛɛ Bɛn Henɔm Fɛlembɔjenii yerɛ kpa. Baa dɛɛ yerɔ Nɛŋkpoa Fɛlembɔjenii.

Josua 15:63

Juda dea tena la ta wone doŋi Jebus tena baa soɡe Jerusalam la, ba ne ba bwa ta soɡe bela ba le fini.

Josua 18:16

Harɛ la jwɛh berɔ le bela dɛ kpɔ bwejen bɛl lɔɡa o sie aa chaɡɛ Bɛn Henɔm Fɛlembɔjen ta, o lɔ Refaim Fɛlembɔjen weekaŋle nyunduabɔr. Dɛ kpoŋe kaa Henɔm Fɛlembɔjen ta dɛ kaa Jebus tena bwɛjen Jerusalam harɛbɔr, weekaŋle harɛbɔr dɛ kaa Ɛn Roɡel nee nyoa.

Josua 18:28

ne Sɛla ne Haelef ne Jebus, ne Gebea dɛ Kiriat Jearim. A bwa lɔ bwɛjena fi dɛ anaarɛ, a ne a bwɛjeɡre. Harɛ Bɛnjamen dea tena lolanar aa dɔa o ɛ ba kapɛrɛ kon laanee la.

Sitɔɔla 1:21

Bɛnjamen dea tena ɡe ta wone doŋi Jebus tena baa soɡe bwɛjen Jerusalam, anomanta, ba bwa pɛo so le ɡɛ saŋ bwa ba le fini.

Sitɔɔla 1:8

Juda dea tena kaa yo Jerusalam tena ɡe, dɛ pɔ ba nɛ. Ba kpoo nɛra baa lɔ o ta dɛ fuuh.

Sitɔɔla 19:10

Kɛ dɛ baa la aa nyin kɛ o chɔ bela jwaana kpa, dɛ pa kwaa baa paa dawɛ keeɡo ta dɛɛ so o ta la dawɛ keeɡore anɛ la ta, asɛ o ne o sɛno la kpɔ sie chaɡɛ Jebus waa ɛ Jerusalam.